Շարժունության հնարավորություն ՎՊՀ ուսանողների և դասավանդող աշխատակիցների համար Յաշի Ալեքսանդրու Իոհան Կուզայի անվան համալսարանում (Ռումինիա)

ՎՊՀ-ի և Յաշի Ալեքսանդրու Իոհան Կուզայի անվան համալսարանի (Ռումինիա) միջև կնքված միջազգային կրեդիտային շարժունության պայմանագրի շրջանակում հայտարարվում է մրցույթ ՎՊՀ-ի ուսանողների և դասավանդող աշխատակիցների համար՝ 2026-2027թ-ի 1-ին և 2-րդ կիսամյակների ընթացքում- https://www.uaic.ro/…/2025/06/Academic-calendar-25-26.pdf

Ընտրված ուսանողները հնարավորություն կունենան ուսանելու հյուրընկալող համալսարանում մեկ կիսամյակ տևողությամբ։ Իսկ պրոֆեսորադասախոսական աշխատակիցները կարող են անցկացնել հյուրընկալող բուհում 5 աշխատանքային օր՝ առնվազն 8 դասաժամերով։

Դիմում հայտերի ընդունման վերջնաժամկետն է ս/թ հունիսի 9-ը։

Ուսանողների համար պահանջվող փաստաթղթեր՝

Դիմում (ՎՊՀ գլխավոր մասանշենքի 1-ին հարկ, ընդհանուր բաժին)

Ակադեմիական տեղեկագիր (բոլոր ուսումնառության փուլերի գնահատականներով), (համարվում է մրցութային ցուցանիշ)։

Օտար լեզվի (անգլերեն) իմացությունը հավաստող փաստաթուղթ (TOEFL կամ IELTS կամ միջազգային ճանաչում ունեցող այլ փաստաթուղթ, անցողիկ շեմը՝ B1 մակարդակ- անցողիկ շեմը՝ 42 միավոր (TOEFL), 4.0 միավոր (IELTS)), (չի համարվում մրցութային ցուցանիշ)։

*Միջազգային ճանաչում ունեցող վկայական չներկայացնող ուսանողների համար կկազմակերպվի անգլերեն լեզվի ներբուհական թեստ։ Թեստի նմուշ-օրինակը նախապես կտրամադրվի դիմորդներին։

Մոտիվացիոն նամակ (մինչև 1 էջ), (համարվում է մրցութային ցուցանիշ)։

Ինքնակենսագրական / CV (Europass ձևաչափով)։

Տեղեկանք՝ հաշմանդամություն կամ սոցիալապես անապահով կարգավիճակ ունենալու դեպքում։

Դասավանդողների համար պահանջվող

փաստաթղթեր՝

Դիմում (ՎՊՀ գլխավոր մասանշենքի 1-ին հարկ, ընդհանուր բաժին)

ՎՊՀ-ի կողմից օտար լեզվի իմացությունը հավաստող փաստաթուղթ, B2 օտար լեզվի իմացության մակարդակ կամ TOEFL/ IELTS միջազգային վկայականներ (անցողիկ շեմը՝ B1– 58+, B2-72+ միավոր) (չի համարվում մրցութային ցուցանիշ),

մոտիվացիոն նամակ (մինչև 50 միավոր) գնահատում է ընտրող հանձնաժողովը (համարվում է մրցութային ցուցանիշ),

դասավանդման պլան (պետք երաշխավորվի ամբիոնի նիստով),

ինքնակենսագրական տվյալներ (CV) (չի համարվում մրցութային ցուցանիշ),

Բարձրագույն ուսումնական հաստատությունում համապատասխան մասնագիտական բնագավառում առնվազն 5 տարվա դասավանդման փորձ։