Տեղի ունեցավ գիտխորհրդի արտահերթ նիստ
Հունիսի 17-ին «Վանաձորի Հ․ Թումանյանի անվան պետական համալսարան» հիմնադրամի նիստերի դահլիճում կայացավ գիտխորհրդի արտահերթ նիստ:
Վանաձորի պետական համալսարանի ռեկտորի ժամանակավոր պաշտոնակատար Ռուստամ Սահակյանը ներկայացրեց նիստի օրակարգը։ Գիտխորհրդի անդամները միաձայն հաստատեցին այն։
Հումանիտար գիտությունների ֆակուլտետի դեկան Մարիյա Բրուտյանը ներկայացրեց հումանիտար գիտությունների ֆակուլտետի «Հայոց լեզու և գրականություն», «Անգլերեն լեզու և գրականություն» (մանկավարժի որակավորում) և «Պատմություն» (պատմության մագիստրոսի որակավորում) մասնագիտությունների մագիստրատուրայի կրթական ծրագրի ուսումնական պլանների հաստատման վերաբերյալ զեկույց, որը միաձայն հաստատվեց գիտխորհրդի անդամների կողմից։
