Համագործակցության հուշագիր՝ Վանաձորի և Բաթումի պետական համալսարանների միջև
Մարտի 10-ին Վանաձորի Հովհաննես Թումանյանի անվան պետական համալսարանի ռեկտոր Ռուստամ Սահակյանը և Բաթումի Շոթա Ռուսթավելու պետական համալսարանի ռեկտոր Տիտե Արոշիձեն ստորագրեցին միջբուհական համագործակցության հուշագիր:
Հուշագիրը նախատեսում է համալսարանների միջև համագործակցության ամրապնդում կրթական և գիտական ոլորտներում, պրոֆեսորների, հետազոտողների և ուսանողների փոխանակման ծրագրերի իրականացում, համատեղ գիտաժողովների, ամառային դպրոցների, սիմպոզիումների, սեմինարների և մշակութային միջոցառումների անցկացում։
Հանդիպմանը մասնակցել են Բաթումիում ՀՀ գլխավոր հյուպատոս Նարինե Մաթոսյանը , Վանաձորի համայնքի ղեկավարի խորհրդական Արման Բերնեցյանը, Բաթումի պետական համալսարանի ռեկտորների տեղակալներ Մերաբ Խալվաշին և Թամար Սիրաձեն, ինչպես նաև ռազմավարական զարգացման և միջազգային կապերի բաժնի վարիչ Մարինե Գիորգաձեն։
