Ամառային դպրոցի առօրյան
Հունիսի 24-ին ամառային դպրոցի մասնակիցները մասնագիտական շրջայց կատարեցին Լոռու մարզի պատմամշակութային տարածքներում, հյուրընկալվեցին «Հայաստանի մանուկներ բարեգործական հիմնադրամում», «Շաքարյան Ռանչո» ընկերությունում և «Mounthree» հյուրանոցային համալիրում։
Արշավեցին դեպի Քոբայրի վանք․ ծանոթացան 13-րդ դարի հռչակավոր վանքերից մեկի պատմությանը։
Հունիսի 25-ին՝ ամառային դպրոցի չորրորդ օրը, Վանաձորի պետական համալսարանի Smart Caffe-ում ընթացավ բանախոսություններով, խմբային աշխատանքներով և ակտիվ քննարկումներով։
Մասնակիցները կիսվեցին Լոռիում կատարած մասնագիտական շրջայցի տպավորություններով։
Այնուհետև կատարվեց խմբային աշխատանք՝ «Հյուրանոցային սերվիսի կազմակերպում» և «Զբոսաշրջային փորձառություն և միջավայրի ձևավորում» թեմաներով։ Բանախոսներ՝ էկոնոմիկայի, իրավունքի և կառավարման ամբիոնի դոցենտ, ա․գ․ թեկնածու Ռաֆայել Հարությունյանի և TEN կառավարման և խորհրդատվական ընկերության հիմնադիր, «Mounthree» հյուրանոցային համալիրի կառավարման խորհրդի անդամ Ֆլորա Ամիրխանյանի աջակցությամբ մասնակիցները ներկայացրին իրենց գաղափարները և առաջարկությունները տվյալ թեմաների շուրջ։ Մտագրոհի և խմբային աշխատանքի միջոցով մասնակիցները հնարավորություն ունեցան՝ տեսական գիտելիքները գործնականում կիրառելու։
Օրը եզրափակվեց Վանաձորում՝ ճանաչողական շրջայցով։
