«Ուսանողական գարուն-2024»
Վանաձորի պետական համալսարանը հայտարարում է «Ուսանողական գարուն-2024» ամենամյա փառատոնի մեկնարկը:
Փառատոնի նպատակն է գրական-մշակութային կյանքի ակտիվացումը, ուսանողների գեղարվեստական դաստիարակության և գեղագիտական ճաշակի խթանումը: Մասնակցել կարող են անհատ ուսանողներ և ուսանողական խմբեր ՀՀ բոլոր բարձրագույն ուսումնական հաստատություններից, ուսումնարաններից, քոլեջներից:
Փառատոնն անցկացվելու է հետևյալ անվանակարգերում՝
- Մեներգեցողություն (դասական, ժողովրդական,էստրադային)
- Երգչախումբ կամ վոկալ անսամբլ
- Վոկալ-գործիքային անսամբլ
- Դասական գործիքներ (մենակատարներ և համույթներ)
- Ժողովրդական գործիքներ (մենակատարներ և համույթներ)
- Թատերարվեստ (մոնոներկայացում, մանրապատում, ասմունք, ներկայացում,մնջախաղ)
- Պարարվեստ — մենապար կամ խմբակային պար (ազգագրական, ժողովրդական, ժամանակակից)
«Ուսանողական գարուն»-ը կանցկացվի 2024 թ.— մայիսին՝ մեկ փուլով: Հայտերի ընդունման վերջնաժամկետն է 2024 թ.-ի ապրիլի 25-ը:
Հարցերի դեպքում զանգահարել 094 83 45 49 հեռախոսահամարով: