SMART CAFFE-ում կամավորական աշխատանքներ իրականացրած ուսանողները ստացան վկայականներ

            Ս/թ սեպտեմբերի 13-ին Էրազմուս+ կարողությունների զարգացման CONNECT նախագծի շրջանակներում հիմնադրված SMART CAFFE-ում ամիսներ շարունակ կամավորության սկզբունքով աշխատանքներ են կատարել ՎՊՀ-ի ուսանողները:

                Ուսանողներին ողջունեցին և կամավորական աշխատանքները հաջողությամբ ավարտելու կապակցությամբ շնորհավորեցին CONNECT նախագիծը ՎՊՀ-ում համակարգող օտար լեզուների և գրականության դոցենտ Գ. Դոխոլյանը, գիտական աշխատանքների գծով պրոռեկտոր Վ. Հովսեփյանը և համալսարանի ռեկտոր Ռ. Սահակյանը, ով պարգևատրեց կամավորներին վկայականներով:   

            Կամավոր ուսանողները ակտիվորեն մասնակցել են նախագծի շրջանակներում իրականացված «Մրցունակ գիտելիքի ծրագիր» դասընթացին, իրենց նոր գաղափարներով մասնակցել են CONNECT նախագծի շրջանակներում իրականացված բիզնես գաղափարների ազգային և միջազգային մրցույթներին, ստացել են ՎՊՀ-ի և արտասահմանյան մենթորների խորհրդատվությունը։

Միջոցառման ժամանակ կամավորները հայտնեցին իրենց պատրաստակամությունը՝ աջակցելու նոր հավաքագրվող կամավորներին և ակտիվորեն մասնակցելու SMART CAFFE-ի գործունեության հետագա զարգացման հարցում։

Շնորհավորում ենք բոլոր կամավորներին՝ ցանկանալով ձեռնարկատիրական ոլորտում նորանոր հաջողություններ: