Տեղի ունեցավ արհեստական բանականություն թեմայով սեմինար SMART CAFFE-ում
Արհեստական բանականությունը մարդկության կարևոր ձեռքբերումներից է։
«Վանաձորի Հ․Թումանյանի անվան պետական համալսարան» հիմնադրամի SMART CAFFE-ում անցկացվեց «Արհեստական բանականություն իրականությու՞ն թե՞ ապագայի մարտահրավեր» թեմայով կլոր սեղան քննարկում։ Հանդիպումը վարեց համալսարանի ռեկտոր, տեխնիկական գիտությունների դոկտոր, պրոֆեսոր Ռուստամ Սահակյանը: Հանդիպմանը մասնակցում էին համալսարանի դասախոսները, աշխատակիցները: Թեման արդիական էր և մեծ հետաքրքրություն առաջացրեց, այն ընթացավ ակտիվ հարցուպատասխանի և քննարկումների ձևաչափով:
Բուհի ռեկտոր Ռուստամ Սահակյանը նշեց, որ արհեստական բանականությունը դարձել է մեր առօրյայի անբաժանելի մասը և կարևորեց արհեստական բանականության դերը նորագույն տեխնոլոգիաներում այդ թվում բարձրագույն կրթության մեջ։ Կրթության ոլորտում ամենատարածվածը և ամենագործածականը ChatGPT բոտն է։ Բուհի ռեկտորը ներկայացրեց ինչպես այն արդյունավետ օգտագործել ուսումնառության ընթացքում։
