Պրոֆեսորադասախոսական կազմի և վարչական աշխատակիցների շարժունության հնարավորություն (դասավանդում/ վերապատրաստում) Սլովենիայի Մարիբորի համալսարանում
Erasmus+KA171 ծրագրի շրջանակներում Մարիբորի համալսարանը հայտարարում է շարժունության մրցույթ ՎՊՀ-ի պրոֆեսորադասախոսական և վարչական աշխատակիցների համար, որը պետք է իրականացվի մինչև 2025թ․ հուլիսի 31-ը։
Հայտադիմումները և անհրաժեշտ փաստաթղթերը պետք է ներկայացնել մայիսի 27-ը ներառյալ ՎՊՀ–ի վարչական մասնաշենքի ընդհանուր բաժին։
Շարժունության մրցույթին կարող են դիմել բոլոր կրթական աստիճաններում դասավանդող աշխատակիցները` դասավանդման կամ վերապատրաստման, իսկ վարչական աշխատակիցները՝ վերապատրաստման համար։
Անհրաժեշտ փաստաթղթեր
Դասավանդող աշխատակիցներ․
- Օտար լեզվի իմացությունը հաստատող փաստաթուղթ, B2 օտար լեզվի իմացության մակարդակ
- Մոտիվացիոն նամակ
- Դասավանդման պլան
- Ինքնակենսագրական տվյալներ
Վարչական աշխատակիցներ և դասախոսներ (վերապատրաստում)․
- Օտար լեզվի իմացությունը հաստատող փաստաթուղթ, B2 օտար լեզվի իմացության մակարդակ
- Մոտիվացիոն նամակ
- Ինքնակենսագրական տվյալներ
Նրանք, ովքեր ցանկանում են դիմել, սակայն չունեն լեզվի իմացության մակարդակը հավաստող փաստաթուղթ, ՎՊՀ-ը կկազմակերպի լեզվի քննություն։
Դիմորդների հետ անց է կացվելու հարցազրույց։
Լրացուցիչ տեղեկությունների համար դիմել ՎՊՀ գիտահետազոտական աշխատանքների, նորարությունների և համագործակցության բաժին։