«Կիլիկիան մեր սրտում է» խորագրով ինտելեկտուալ քվեսթ՝ «Պատմություն» մասնագիտության ուսանողների մասնակցությամբ
«Կիլիկիան մեր սրտում է» խորագրով ինտելեկտուալ քվեսթ՝ «Պատմություն» մասնագիտության ուսանողների մասնակցությամբ
Դեկտեմբերի 21-ին Վանաձորի Հ. Թումանյանի անվան պետական համալսարանի հումանիտար գիտությունների ֆակուլտետի ՈՒԳԸ-ի նախաձեռնությամբ «Կիլիկիան մեր սրտում է» խորագրով դասն անցկացվեց դասավանդման յուրօրինակ մեթոդով՝ խաղայնացում կամ, որ առավել հայտնի է, քվեսթ եղանակով:
Խաղը վարեց հումանիտար գիտությունների ֆակուլտետի ՈՒԳԸ-ի նախագահ Հերիք Մաղաքելյանը, մասնակցեցին «Պատմություն» մասնագիտության առաջին, երկրորդ և երրորդ կուրսերի ուսանողները՝ հանդես գալով պատահականության սկզբունքով ձևավորված երեք խմբերում:
Դասի նպատակն էր քվեսթի միջոցով կրկնել Կիլիկիայի հայկական թագավորության մասին իմացածը, թարմացնել մոռացվածը: Ուսանողները հաջողությամբ իրականացրին իրենց առջև դրված խնդիրը: Վերջում «Այաս», «Կոռիկոս», «Վահկա» թիմերը ՈՒԳԸ-ի նախագահ Լիլիթ Հակոբյանի կողմից արժանացան շնորհակալագրերի՝ քվեսթ-ակումբ ինտելեկտուալ խաղին մասնակցության համար:
Շնորկալագրերի արժանացան նաև հումանիտար գիտությունների ֆակուլտետի դեկան Մարիյա Բրուտյանը՝ քվեսթ-ակումբ ինտելեկտուալ խաղին աջակցության համար, ուսանողներ Հասմիկ Գալստյանը, Հերիք Մաղաքելյանը՝ ՈՒԳԸ-ի շրջանակում կազմակերպվող իրադարձություններին ակտիվություն ցուցաբերելու համար:
