Գիտելիքի և դպրության տոնը՝ ՎՊՀ հենակետային վարժարանում
2022-23 ուսումնական տարվա մեկնարկը Վանաձորի Հ. Թումանյանի անվան պետական համալսարանի հենակետային վարժարանում ևս ազդարարվեց պետական և բուհական օրհներգերից հետո: Գիտելիքի, գրի և դպրության օրվա առթիվ վարժարանի բակում հավաքված աշակերտներին, ուսուցիչներին, ծնողներին և հյուրերին նախ շնորհավորեց ՎՊՀ ռեկտոր Ռուստամ Սահակյանը:
Ողջունելով և շնորհավորելով ներկաներին՝ ՎՊՀ հենակետային վարժարանի տնօրեն Սամվել Աղաջանյանն առանձնահատուկ շնորհավորեց վարժարան ընդունված բոլոր 150 աշակերտներին՝ նորամուտի կապակցությամբ՝ մաղթելով արդյունավետ և բովանդակալից ուսումնառություն, նոր գիտելիքներով և հմտություններով վերազինվելուն նպատակաուղղված տարիներ:
Մեկ անգամ ևս շնորհավորում ենք բոլորին՝ աշնան առաջին և գիտելիքի օրվա առթիվ՝ ցանկանալով, որ գիտելիքը լինի այն հզոր ուժը, որին ապավինելով՝ կարելի է նվաճել ցանկացած, նույնիսկ՝ անհնարին թվացող բարձունք:
![](https://vsu.am/wp-content/uploads/2022/09/IMG_0282-1024x683.jpg)
![](https://vsu.am/wp-content/uploads/2022/09/IMG_0317-1024x683.jpg)
![](https://vsu.am/wp-content/uploads/2022/09/IMG_0281-1024x596.jpg)