«Համակարգչային գրաֆիկան կերպարվեստում» խորագրով ցուցահանդես ՎՊՀ գրադարանում
Մարտի 31-ին ՎՊՀ գրադարանում տեղի ունեցավ մաթեմատիկայի և ինֆորմատիկայի ամբիոնի դասախոս Կարինե Սիրադեղյանի նախաձեռնած «Համակարգչային գրաֆիկան կերպարվեստում» խորագրով ցուցահանդեսը:
Միջոցառման ընթացքում ցուցադրվել են «Կերպարվեստ» մասնագիտության ուսանողների ստեղծագործական աշխատանքները, որոնք արվել են գրաֆիկական խմբագրիչների կիրառմամբ՝ ավանդական վրձինը փոխարինելով ժամանակակից ծրագրային գործիքներով:
Ցուցահանդեսում ներկայացված էին ինչպես ընթացիկ, այնպես էլ նախորդ տարիների լավագույն աշխատանքները, որոնք արտացոլում են համակարգչային տեխնոլոգիաների և արվեստի համադրման հնարավորությունները:
Կարինե Սիրադեղյանն իր խոսքում շնորհակալություն հայտնեց համալսարանի ռեկտորին և գրադարանի անձնակազմին կազմակերպչական աշխատանքներին աջակցելու համար: Նա նաև նշեց, որ այս ցուցահանդեսը յուրատեսակ հաշվետվություն է իր կատարած ուսումնամեթոդական աշխատանքների վերաբերյալ:
Տեղեկացնում ենք, որ ցուցադրված աշխատանքները ՎՊՀ գրադարանում բաց կլինեն նաև առաջիկա օրերին:
