Սլովենիայի Մարիբորի համալսարանի աշխատակիցների այցը «Վանաձորի Հ․ Թումանյանի անվան պետական համալսարան» հիմնադրամ

Մայիսի 29-ին  Վանաձորի պետական համալսարանում  հյուրընկալվեցին Սլովենիայի Մարիբորի համալսարանի միջազգային հարաբերությունների բաժնի ղեկավար Ուրոս Քլայնը և նույն բաժնի աշխատակից Ալենկա Մարուսիչը։

Գործընկեր համալսարանի ներկայացուցիչները հանդիպումներ ունեցան Վանաձորի պետական համալսարանի ռեկտորի ժամանակավոր պաշտոնակատար Ռուստամ Սահակյանի, գիտական աշխատանքների գծով պրոռեկտոր Վարդուհի Հովսեփյանի և գիտահետազոտական աշխատանքների, նորարարությունների և համագործակցության բաժնի ղեկավար Արմենուհի Հարությունյանի հետ։

  Հանդիպումների ընթացքում քննարկվեցին համագործակցության հետագա հնարավորությունները։   Ուրոս Քլայնը և Ալենկա Մարուսիչը այցի ընթացքում ծանոթացան նաև Վանաձորի պետական համալսարանի  գրադարանի և  SMART CAFFE-ի աշխատանքներին։