Մալագայի համալսարանի դասախոս Ֆրացիսկո Մարտինի այցը «Վանաձորի Հ․ Թումանյանի անվան պետական համալսարան» հիմնադրամ
Փետրվարի 17-21-ը Վանաձորի պետական համալսարանում հյուրընկալվել էր Մալագայի համալսարանի լրագրության ամբիոնի պրոֆեսոր Ֆրանցիսկո Մարտինը:
Հյուրը հանդիպումներ ունեցավ Վանաձորի պետական համալսարանի ռեկտոր Ռուստամ Սահակյանի, գիտահետազոտական աշխատանքների, նորարարությունների և համագործակցության բաժնի ղեկավար Արմենուհի Հարությունյանի հետ, որոնց ընթացքում քննարկվեցին աշխատանքային այցի մանրամասներն ու հետագա համագործակցության ուղիները:
Ֆ. Մարտինը այցի ընթացքում ծանոթացավ Վանաձորի պետական համալսարանի գրադարանի, մեդիա լաբի և SMART CAFFE-ի աշխատանքներին:
Ֆ. Մարտինը օտար լեզուների և գրականության ամբիոնի դասախոս Քրիստինա Ղազարյանի հետ անցկացրեց իսպաներենի համատեղ դասախոսություններ՝ օտար լեզու և գրականություն մասնագիտության ուսանողների համար։
SMART CAFFE-ում Ֆրանցիսկո Մարտինը անցկացրեց դասախոսություններ համալսարանի՝ պրոֆեսորադասախոսական կազմի և ուսանողների համար՝ «Արհեստական բանականությունը որպես 21-րդ դարի մարտահրավեր:», «Արհեստական բանականությունը ակադեմիական միջավայրում» թեմաներով:
Ֆ. Մարտինը բուհից հեռացավ դրական տպավորություններով և համագործակցության նոր հեռանկարներով:
