MEDIA ՆԱԽԱԳԾԻ ԱՇԽԱՏԱԺՈՂՈՎ ԵՐԵՎԱՆԻ Վ․ ԲՐՅՈՒՍՈՎԻ ԱՆՎԱՆ ԵՎ ՎԱՆԱՁՈՐԻ Հ. ԹՈՒՄԱՆՅԱՆԻ ԱՆՎԱՆ ՊԵՏԱԿԱՆ ՀԱՄԱԼՍԱՐԱՆՆԵՐՈՒՄ
2025 թ․ ապրիլի 8-ից 11-ը «Մոլդովայի և Հայաստանի բուհերում առցանց կրթության որակի ամրապնդումը» Erasmus+ MEDIA նախագծի շրջանակներում անցկացվեց հերթական աշխատաժողովը Երևանի Վ․ Բրյուսովի անվան և Վանաձորի Հ. Թումանյանի անվան պետական համալսարաններում։ Աշխատանքային այցի ընթացքում քննարկվեցին նախագծի մինչ օրս կատարված աշխատանքները և պլանավորեցին հետագա քայլերը։
Նախագծի յուրաքանչյուր աշխատանքային փաթեթի շրջանակում քննարկվեցին հետևյալ հարցերը․
• Առաջին օր
Երկրորդ աշխատանքային փաթեթի շրջանակում Գերմանիայի Բիլեֆելդի Կիրառական գիտությունների համալսարանի ներկայացուցիչը ներկայացրեց նախագծի շրջանակներում ավարտին հասցված ինստիտուցիոնալ մակարդակով փաստաթղթերի մշակման գործընթացը։ Այժմ սպասվում է Հայաստանի և Մոլդովայի կրթության նախարարությունների կողմից համապատասխան ազգային փաստաթղթերի մշակումը։
• Երկրորդ օր
Երրորդ աշխատանքային փաթեթը ներկայացրեց Ֆինլանդիայի Լապեենրատայի տեխնոլոգիական համալսարանի ներկայացուցիչը՝ նշելով, սկսվել է MEDIA կուրսերի «Learning Analytics»-դասընթացի արդյունքների վերլուծությունը։
• Երրորդ օր
MEDIA նախագծի աշխատանքները շարունակվեցին Վանաձորի պետական համալսարանում, որտեղ էլ քննարկվեցին չորրորդ և հինգերորդ աշխատանքային փաթեթները։ Չորրորդ աշխատանքային փաթեթը ներկայացրեց Լատվիայի բիզնեսի, արվեստի և տեխնոլոգիաների «Ռիսեբա» համալսարանի ներկայացուցիչը։
Վերլուծվեցին մոլդովական և հայաստանյան համալսարանների կողմից Մեդիա կուրսերի առաջին փուլի արդյունքները և քննարկվեցին հաջորդ փուլերի կազմակերպչական հարցերը։
Հինգերորդ աշխատանքային փաթեթը ներկայացրեց Մոլդովայի «Իմպուլս» ՀԿ-ի ներկայացուցիչը, կազմակերպությունը պատասխանատու է նախագծի ամբողջ ընթացքի տեղեկատվության լուսաբանման համար։
• Չորրորդ օր
Քննարկվեցին նախագծի վեցերորդ և յոթերորդ աշխատանքային փաթեթները։
Վեցերորդ աշխատանքային փաթեթը ներկայացրեց հայաստանյան «Ստեղծարար-նորարարական և կայուն զարգացման ասոցիացիա» ՀԿ-ի ներկայացուցիչը։ Փաթեթը վերաբերում է նախագծի շրջանակներում ներառված բոլոր գործընթացների որակի վերահսկմանը։
Յոթերորդ աշխատանքային փաթեթը՝ նախագծի կառավարումը, ներկայացրեց MEDIA նախագծի համակարգող՝ Ելենա Սյեմչուկը ամփոփելով մինչ օրս կատարված աշխատանքային և ֆինանսական գործառույթները ։
Այցի ընթացքում նախագծի անդամները շրջայց կատարեցին երկու համալսարանների MEDIA Lab-երում, իսկ աշխատաժողովին հրավիրված հայաստանյան ՏՏ և մեդիա ոլորտի ներկայացուցիչները կիսվեցին իրենց փորձով։
Վանաձորի պետական համալսարանը ներկայացնում էին MEDIA նախագծի տեղական համակարգող Հերմինե Գրիգորյանը և նախագծի անդամներ Լուսինե Կոստանդյանը և Հեղինե Օհանյանը։
