Մասնագիտական կողմնորոշման հերթական հանդիպումները

Վանաձորի պետական համալսարանը շարունակում է մասնագիտական կողմնորոշմանն ուղղված հանդիպումները՝ նպատակ ունենալով աջակցելու աշակերտներին մասնագիտական ընտրության գործընթացում և ներկայացնելու համալսարանի կրթական հնարավորությունները։

Այս նախաձեռնության շրջանակներում փետրվարի  5-ին  և  6-ին համալսարանի ներկայացուցիչներն այցելեցին ՎՊՀ քոլեջ և Վանաձորի  թիվ 17 ավագ դպրոց։  Իսկ այսօր՝  փետրվարի 9-ին, ՎՊՀ աշխատանքային խումբը՝ հանձին ռեկտոր Արմեն Ծատուրյանի,  հերթական հանդիպումն անցկացրեց  Վանաձորի թիվ 24 միջնակարգ դպրոցում։ Արմեն Ծատուրյանը և աշխատանքայի խմբի անդամները ներկայացրեցին համալսարանում իրականացվող բարեփոխումները, համալսարանում կրթությունը շարունակելու պայմանները, կրթական ծրագրերը, ինչպես նաև ապագա մասնագիտական գործունեությունն ու աշխատանքային լայն հնարավորությունները:

Հանդիպման ընթացքում աշակերտները հնարավորություն ունեցան հնչեցնելու իրենց հետաքրքրող հարցերը, փոխանակելու կարծիքներ և ստանալու սպառիչ պատասխաններ։