Տեղի ունեցավ նոյեմբեր ամսվա գիտխորհրդի նիստը
Նոյեմբերի 28-ին տեղի ունեցավ գիտական խորհրդի հերթական նիստը։
Գիտական աշխատանքների գծով պրոռեկտոր Վարդուհի Հովսեփյանը զեկուցեց համալսարանում հրատարակչական աշխատանքների վերաբերյալ։ Այնուհետև ուսումնական աշխատանքների գծով պրոռեկտոր Լուսինե Կոստանդյանը զեկուցումով հանդես եկավ հեռավար ուսուցմամբ ՄԿԾ-ների, կարճաժամկետ և միջգիտական կրթական ծրագրերի մշակման և ներդրման վերաբերյալ:
Օրակարգի հաջորդ հարցերը ներկայացրեց կրթական բարեփոխումների և վերապատրաստման ղեկավար Վաղինակ Նազարյանը.
- ՎՊՀ–ում կազմակերպված վերապատրաստումների, պրոֆեսորադասախոսական և ուսումնաօժանդակ աշխատակազմի մասնագիտական վերապատրաստման և որակավորման բարձրացման դասընթացների մշակման և ներդրման վերաբերյալ:
- 2024-2025 ուստարվա բակալավրիատի և մագիստրատուրայի ընդունելության քննություների արդյունքների մասին:
Գիտխորհուրդը հաստատեց բակալավրի կրթական ծրագրով 2024-2025 ուսումնական տարվա հեռակա ուսուցման համակարգի «Սերվիս» մասնագիտության փոփոխված ուսումնական պլանը ինչպես նաև «ՎՊՀ» հիմնադրամի գիտխորհրդին կից ուսումնամեթոդական հանձնաժողովի ուսանող անդամի թեկնածությունը։
Օրակարգում յոթերորդ կետով դրված էր 2024-2025 ուստարվա մանկավարժության և հոգեբանության ամբիոնի հայցորդ Ասյա Աբովյանի ատենախոսության գիտական ղեկավարի, ուսումնական և անհատական պլանների հաստատումը: Զեկուցումով հանդես եկավ գիտահետազոտական աշխատանքների, նորարարությունների և համագործակցության բաժնի ղեկավար Արմենուհի Հարությունյանը։
Օրակարգային վերջին հարցը՝ «Վանաձորի Հ․Թումանյանի անվան պետական համալսարան» հիմնադրամի Արխիվավարման ընթացակարգում փոփոխություններ կատարելու մասին ներկայացրեց իրավաբան Քրիստինե Ղազարյանը։
