Կայացավ գիտխորհրդի հերթական նիստը
2025 թ․ նոյեմբերի 26-ին «Վանաձորի Հ․ Թումանյանի անվան պետական համալսարան» հիմնադրամում կայացավ գիտխորհրդի հերթական նիստը։
Մինչ նիստի օրակարգին անցնելը՝ համալսարանի գիտական խորհրդի անդամները շնորհավորեցին մանկավարժության և հոգեբանության ամբիոնի ավագ դասախոսներ Գագիկ Էմինյանին և Լուսիկ Միրաբյանին՝ դոցենտի կոչում ստանալու կապակցոթյամբ։
Գիտխորհրդի քննարկմանը և հաստատմանը ներկայացվեցին օրակարգային մի շարք հարցեր՝
- հաստատվեց ուսումնական աշխատանքների գծով պրոռեկտոր Լուսինե Կոստանդյանի զեկույցը՝ Վանաձորի պետական համալսարանի 2026-2027 ուստարվա մագիստրոսի կրթական ծրագրով (առկա, հեռակա) ընդունելության մասնագիտությունների ցանկի, վարձավճարների և ընդհանուր տեղերի քանակի վերաբերյալ,
- ի գիտություն ընդունվեց նոր ուսումնական պլանների ձևավորման նախապատրաստական աշխատանքների վերաբերյալ հաղորդումը,
- ի գիտություն ընդունվեց գիտական աշխատանքների գծով պրոռեկտոր Վարդուհի Հովսեփյանի հաղորդումը՝ համալսարանում հրատարակչական աշխատանքների վերաբերյալ,
- ի գիտություն ընդունվեց կրթական բարեփոխումների և վերապատրաստման կենտրոնի ղեկավար Վաղինակ Նազարյանի հաղորդումը՝ Վանաձորի պետական համալսարանում կազմակերպված վերապատրաստումների, ՊԴ և ՈՒՕ աշխատակազմի մասնագիտական վերապատրաստման և որակավորման բարձրացման դասընթացների մշակման ու ներդրման վերաներյալ,
- ի գիտություն ընդունվեց ընդունող հանձնաժողովի պատասխանատու քարտուղարի՝ Վ․ Նազարյանի՝ 2025-2026 ուտարվա վերաբերյալ հաղորդումը։
Հումանիտար գիտությունների ֆակուլտետի դեկան Մարիյա Բրուտյանը գիտխորհրդի հաստատմանը ներկայացրեց հումանիտար գիտությունների ֆակուլտետի «Պատմություն» մասնագիտության մագիստրատուրայի կրթական ծրագրի (022201․01․7) ուսումնական պլանում կատարված համապատասխան փոփոխությունը` առաջարկելով «Կամընտրական դասընթացներ» կրթամասի «Աշխարհաքաղաքական տեղաշարժերը 20-րդ դարում և 21-րդ դարասկզբին» դասընթացը փոխարինել «Ադրբեջանի էթնիկ և կրոնական քարտեզը» դասընթացով։
Գիտական խորհուրդը քննարկեց և հաստատեց հարցը։ Համալսարանի ռեկտոր, մանկավարժական գիտությունների դոկտոր Արմեն Ծատուրյանը ներկայացրեց «Վանաձորի Հ. Թումանյանի անվան պետական համալսարանի գիտական խորհրդի կանոնակարգում» հանձնաժողովի կողմից առաջարկված փոփոխությունների նախագիծը, որը հաստատվեց գիտական խորհրդի կողմից։
