Գիտահետազոտական սեմինար՝ «Ոչ Էվկլիդյան երկրաչափության (սֆերիկ երկրաչափություն և Լոբաչևսկու երկրաչափություն) մի քանի հարցեր» թեմայով
Մայիսի 22-ին Վանաձորի պետական համալսարանի բնական գիտությունների ֆակուլտետի մաթեմատիկայի և ինֆորմատիկայի ամբիոնում անցկացվեց գիտահետազոտական սեմինար՝ «Ոչ Էվկլիդյան երկրաչափության (սֆերիկ երկրաչափություն և Լոբաչևսկու երկրաչափություն) մի քանի հարցեր» թեմայով։ Սեմինարը վարեց մաթեմատիկայի և ինֆորմատիկայի ամբիոնի դոցենտ, ֆ․մ․գ․թ․ Մելիս Սաքանյանը։
Մ․ Սաքանյանը հասանելի և հետաքրքրաշարժ ձևով ներկայացրեց բարդ տեսական հարցերը՝ ընդգծելով ինչպես սֆերիկ, այնպես էլ Լոբացհևսկու երկրաչափության պատմական, տեսական և տրամաբանական հիմքերը, ժամանակակից կիրառությունները։
Սեմինարին մասնակցում էին ամբիոնի դասախոսներ, ուսանողներ և մագիստրանտներ։ Սեմինարը մեծ հետաքրքրություն առաջացրեց և հնարավորություն տվեց քննարկել արդիական հարցեր մաթեմատիկայի ոլորտում՝ ուշադրությունը բևեռելով տարածական տեսությունների և այլընտրանքային երկրաչափական մոդելների վրա։
