Ավարտվեցին մասնագիտական կողմնորոշման հանդիպումները
Ավարտվեցին Վանաձորի Հ․ Թումանյանի անվան պետական համալսարանի գիտահետազոտական աշխատանքների, նորարարությունների և համագործակցության բաժնի բուհ-դպրոց կապերի շրջանակներում կազմակերպված ամենամյա հանդիպումները Լոռու մարզի դպրոցներում։
Հանդիպումները կազմակերպվել են ապագա դիմորդների մասնագիտական կողմորոշման իրազեկության մակարդակը բարձրացնելու նպատակով։
2024թ․ նոյեմբեր և դեկտեմբեր ամիսներին համալսարանի աշխատանքային խմբերը հանդիպել են Վանաձոր, Սպիտակ, Ալավերդի, Ստեփանավան, Տաշիր քաղաքների թվով 15 ավագ դպրոցների, ՎՊՀ հենակետային վարժարանի և քոլեջի աշակերտների հետ։ Նրանք ներկայացրել են համալսարանի կառուցվածքը, մասնագիտությունները բակալավրի և մագիստրատուրայի կրթական ծրագրերը, վարձավճարները, ուսանողական նպաստները և զեղչային համակարգը, շարժունության ծրագրերը տեղեկատվություն է տրամադրվել նաև ընդունելության միասնական քննությունների և կարգի վերաբերյալ։
