«Արև, լուսին և ծով» մոնոներկայացման պրեմիերան ՎՊՀ-ում

Դեկտեմբերի 4-ին «Վանաձորի Հ.  Թումանյանի անվան պետական համալսարան» հիմնադրամի  դահլիճում տեղի ունեցավ Վանաձորի պոեզիայի թատրոնի հիմնադիր և գեղարվեստական ղեկավար, դերասան ,ասմունքող  Ջիվան Սար­գսյանի «Արև, լուսին և ծով»  մոնոներկայացումը։

Համալսարանի շրջանավարտ Ջիվան Սարգսյանն իր ներկայացման պրեմիերան կազմակերպել էր հա­րա­զատ բուհում։

Մոնոներկայացման ռեժիսորն ու սցե­նարիստն է Հարություն Նասիլյանը։ Ներկայացումը նվիրված է հայ մեծ նկարիչ Հովհաննես Այվազովսկու կյանքին և ստեղծագործություններին։ Այն հագեցած էր պարային  կատարումներով, երաժշ­տա­կան դադարներով։

Ներկայացմանը մասնակցեցին նաև Վանաձորի պո­եզիայի թատրոնի արտիստուհի Սոնա Ատիկյանն ու Երևանի թատրոնի և կինոյի պետական ինստիտուտի Վանաձորի մասնաճյուղի «Պարարվեստ» բաժնի առա­ջին կուրսի ուսանողուհի Նվարդ Գինոսյանը։ 

Սիրված արտիստի ներկայացմանը ներկա էին հա­մալ­սարանի ռեկտոր Ռուստամ Սահակյանը, դա­սա­խոսներ, ուսանողներ և Վանաձոր քաղաքի  սիրված ու ճանաչված մտավորականներ, ար­վեստագետներ։

Ներկայցման ավարտին շնորհավորանքի և գնա­հա­տանքի խոսքեր ասացին Հայաստանի գրողներրի միության նախագահության անդամ, ՀԳՄ Լոռու մար­զային բաժանմունքի նախագահ, բանաս­տեղծ Մանվել Միկոյանը և բուհի դասախոս, բանա­սի­րա­կան գիտու­թյուն­ների դոկտոր, պրոֆեսոր Թե­րեզա Շահվերդ­յա­նը։