Ամփոփվել են «Ուսանողական գարուն-2025» փառատոնի արդյունքները

Ավարտվեց «Ուսանողական գարուն 2025»  ամենամյա փառատոնը, որի փակման արարողությունը տեղի ունեցավ մայիսի 24-ին Վանաձորի տիկնիկային թատրոնում։

Ողջույնի խոսքով ելույթ ունեցավ Վանաձորի պետական համալսարանի ռեկտորի ժամանակավոր պաշտոնակատար Ռ․ Սահակյանը։ Մրցանակաբաշխությանը  պատվոգրեր ու շնորհակալագրեր տրվեցին  փառատոնի մասնակիցներին և կազմակերպչական աշխատանքներին  աջակցած անձանց։

Մասնակցության համար շնորհակալագրերը ուսանողներին հանձնեց Երևանի թատրոնի և կինոյի պետական ինստիտուտի Վանաձորի մասնաճյուղի տնօրեն Էլֆիք Զոհրաբյանը։

Երկրորդ և երրորդ հորիզոնականները զբաղեցրած  մասնակիցների պատվոգրերը հանձնեց մշակութաբան և երգահան Գագիկ Աղաբաբյանը։

«Ուսանողական գարուն-2025» ամենամյա փառատոնին առաջին հորիզոնականը զբաղեցրած մասնակիցների պատվոգրերը և գավաթները հանձնեց  Վանաձորի պետական համալսարանի ռեկտորի ժամանակավոր պաշտոնակատար Ռուստամ Սահակյանը։

Շնորհավորում ենք բոլոր մասնակիցներին և մրցանակակիրներին, մաղթում՝  նորանոր վերելքներ արվեստում։