Անվճար դասընթաց 2026-2027 ուստարվա առկա ուսուցման համակարգի ընդունելության քննություններին ընդառաջ

Վանաձորի Հ. Թումանյանի անվան պետական համալսարանը 2025-2026 ուստարվա հեռակա և 2026-2027 ուստարվա առկա ուսուցման համակարգի ընդունելության քննություններին ընդառաջ կազմակերպում է անվճար առարկայական դասընթացներ (խորհրդատվություններ):

Հեռակա ուսուցման համակարգի համար նախատեսված դասընթացները անցկացվելու են ս.թ. սեպտեմբերի 15-ից մինչև հոկտեմբերի 20-ը:

Առկա ուսուցման համակարգի համար նախատեսված դասընթացները անցկացվելու են ս.թ. հոկտեմբերի 20-ից մինչև հունիսի 1-ը՝ հետևյալ առարկաներից.

հայոց լեզու և գրականություն,

անգլերեն լեզու,

ռուսաց լեզու,

հայոց պատմություն,

մաթեմատիկա,

քիմիա,

կենսաբանություն,

ֆիզիկա,

մասնագիտություն (ֆիզիկական դաստիարակություն և սպորտային մարզումներ)

ընդհանուր ֆիզիկական պատրաստականություն (մարմնամարզություն, աթլետիկա):

Դասընթացին մասնակցելու համար անհրաժեշտ է ՎՊՀ «Գիտահետազոտական աշխատանքների, նորարարությունների և համագործակցության» բաժին ներկայացնել անձնագրի պատճենը և լրացնել դիմում–հայտը:

Մանրամասն տեղեկությունների համար դիմել ՎՊՀ-ի «Գիտահետազոտական աշխատանքների, նորարարությունների և համագործակցության» բաժին։

Հեռախոս՝ (0322) 4-18-53, (098) 09 07 22։

ք. Վանաձոր, Տիգրան Մեծի 36։

info@vsu.am: