Վանաձորի պետական համալսարանի VanLogic թիմի հանդիպումը բուհի ռեկտորի ժամանակավոր պաշտոնակատար Ռուստամ Սահակյանի հետ
Վանաձորի պետական համալսարանի VanLogic թիմը իր հեղինակած «TechTree» նախագծով հաղթել է Ծաղկաձորում տեղի ունեցած Ուսանողական երկրորդ հաքաթոնին՝ արժանանալով երրորդ մրցանակին։
Այս ձեռքբերման առթիվ այսօր՝ սեպտեմբերի 4-ին, VanLogic թիմը հանդիպում ունեցավ բուհի ռեկտորի ժամանակավոր պաշտոնակատար Ռուստամ Սահակյանի հետ։
Հանդիպման ընթացքում ուսանողները Ռ․ Սահակյանի հետ քննարկեցին նախագիծը կյանքի կոչելու առաջիկա քայլերը և անելիքները և ստացան արժեքավոր խորհուրդներ ։
Ռ․ Սահակյանը շնորհավորեց թիմին հաքաթոնում գրանցած հաջողության կապակցությամբ և ուսանողներին հանձեց հուշանվերներ՝ համալսարանի խորհրդանիշներով։
Վանաձորի պետական համալսարանի ողջ անձնակազմը շնորհավորում է VanLogic թիմին մրցանակային տեղ գրավելու և համալսարանը պատվով ներկայացնելու համար՝ մաղթելով շարունակական հաջողություններ, նորանոր ձեռքբերումներ, ստեղծարարություն և առաջընթաց։