«Վանաձորի Հ․ Թումանյանի անվան պետական համալսարան» հիմնադրամում հանդիսավոր նշվեց ուսանողության միջազգային օրը
Նոյեմբերի 18-ին «Վանաձորի Հ․ Թումանյանի անվան պետական համալսարան» հիմնադրամում հանդիսավոր նշվեց ուսանողության միջազգային օրը։ Առավոտյան ուսանողներին դիմավորեցին բարեմաղթանքներով։ Այնուհետև համալսարանի և քոլեջի ուսանողները մասնակցեցին բուհի բակում բազկամարտի և պարանի ձգում մարզաձևի մրցումներին։ Բուհի ռեկտոր Ռուստամ Սահակյանը պատվոգրերով պարգևատրեց լավագույն արդյունք ցուցաբերած ուսանողներին։
Ուսանողության օրվան նվիրված բուհի ուսանողները ռեկտոր Ռուստամ Սահակյանի հետ իրականացրին քայլարշավ դեպի Թագավորանիստի բլուր։ Քիմիայի և կենսաբանության ամբիոնի վարիչ ք․գ․թ․, դոցենտ Արմինե Ղազարյաը և նույն ամբիոնի ավագ դասախոս գ․գ․թ․ դոցենտ Լիլիյա Բայրամյանը պատմեցին բլուրի մասին, որ այն հանդիսանում է Փամբակ և Տանձուտ գետերի միախառման վայր։ Պատմության ամբիոնի ավագ դասախոս պ․գ․թ․ Բենիկ Վարդանյանն էլ ներկայացրեց բլուրի պատմական նշանակության մասին։
Միջոցառումն ուղեկցվեց կիթառի գեղեցիկ երաժշտական կատարումներով։
