ՎՊՀ ՊԱՏՎԻՐԱԿՈՒԹՅԱՆ ՄԱՍՆԱԿՑՈՒԹՅՈՒՆԸ ERASMUS+ MEDIA ՆԱԽԱԳԾԻ ԱՄՓՈՓԻՉ ՀԱՆԴԻՊՄԱՆԸ ՖԻՆԼԱՆԴԻԱՅՈՒՄ

2026թ․ սեպտեմբերի 7-12-ը Ֆինլանդիայի Լապեենրանտայի տեխնոլոգիական համալսարանում (LUT University) կայացավ Եվրոպական միության Erasmus+ MEDIA (Master’s Program in Digital Media and Arts) նախագծի ամփոփիչ աշխատաժողովը։

Համաժողովին Վանաձորի պետական համալսարանի պատվիրակության կազմում էին ՎՊՀ ռեկտոր, մ․գ․դ․ Ա․ Ծատուրյանը, Erasmus+ MEDIA նախագծի տեղական համակարգող, Բնական գիտությունների ֆակուլտետի դեկան, ֆ․մ․գ․թ․, դոցենտ Հ․ Գրիգորյանը և Կրթական բարեփոխումների, շարունակական կրթության և կարիերայի կենտրոնի ղեկավար Լ․ Փարսադանյանը։

Աշխատաժողովի ընթացքում քննարկվել են՝

Առցանց, սինխրոն և ասինխրոն կրթական մոդելների ու որակի ապահովման իրավական շրջանակները (WP1, WP2),
Ուսուցման վերլուծաբանության (Learning Analytics) կիրառումը բարձրագույն կրթության մեջ (WP3),
Արհեստական բանականության (AI) էթիկական և ռազմավարական ինտեգրումը ուսումնական գործընթացում,
STEAM կրթության մոդելները և դրանց ներդրման հնարավորությունները (ELICIA ծրագիր)։

Հանդիպման ընթացքում նախանշվել են նաև ՎՊՀ-ի և եվրոպական գործընկեր համալսարանների միջև հետագա համատեղ ծրագրերի, ակադեմիական փոխանակման և հետազոտական նախագծերի իրականացման հեռանկարները։