Վանաձորի պետական համալսարանի «Բազում» հանգրվանը դարձյալ հյուրընկալել է Արցախից տեղահանված մեր հայրենակիցներին
Արցախից բռնի տեղահանված մեր հայրենակիցներից 47-ը՝ թվով 8 ընտանիք, արդեն մի քանի օր է ժամանակավոր ապրում են Վանաձորի Հ. Թումանյաանի անվան պետական համալսարանի «Բազում» ուսումնամարզական հանգրվանում: Ի դեպ՝ 2020թ.ի 44-օրյա պատերազմին ևս հանգրվանը կեցությամբ էր ապահովել բազմաթիվ արցախցի ընտանիքների:
Հանգրվանի տնտեսվար Թամարա Բարսեղյանի խոսքով՝ ամեն ինչ արվել և արվում է հյուրերի կեցությունը հարմարավետ դարձնելու, առաջնային անհրաժեշտության կարիքները բավարարելու, ջերմ հյուրընկալություն ցուցաբերելու համար: Տիկին Թամարան ուրախությամբ նկատում է՝ փոքր-ինչ հաջողվել է նաև տրամադրություն փոխել:
Որպեսզի հենաշարժողական խնդիրներ ունեցող հյուրերից մեկի ազատ տեղաշարժն ապահովվի, արդեն իսկ թեքահարթակ է կառուցվել, կազմավորվել է համապատասխան լսարան, որտեղ կիրականացվի արցախցի երեխաների ուսուցումը և դասապատրաստումը՝ մինչև նրանց կրթական իրավունքի պատշաճ իրացումը հնարավոր դառնա, ապահովվի երեխաների ժամանցը: Մասնագիտական և հոգեբանական աջակցություն տրամադրելու մասին ևս համալսարանը հոգացել է:
Վանաձորի պետական համալսարանի ուսանողական խորհուրդը կամավորներ է ներգրավել՝ հանգրվանի բնակիչների առաջնային խնդիրները վերհանելու և համապատասխան օժանդակություն տրամադրելու համար՝ տաք հագուստ, հիգիենայի պարագաներ, մանկական անհրաժեշտ միջոցներ: Սննդի փաթեթներն էլ Բազումի համայնքապետարանն է տրամադրում:
Մանկավարժության և հոգեբանության ամբիոնի դոցենտ Սեդա Բեժանյանի նախաձեռնությամբ «Բազում» հանգրվանում ապաստանած մեր հայրենակիցներին օրերս այցելեցին նաև համալսարանի «Սոցիալական մանկավարժություն» մասնագիտության երկրորդ ,երրորդ և չորրորդ կուրսերի ուսանողները՝ ամբիոնի վարիչի և դասախոսների հետ միասին:
![](https://vsu.am/wp-content/uploads/2023/10/IMG_2536-1024x928.jpg)
![](https://vsu.am/wp-content/uploads/2023/10/IMG_2582-856x1024.jpg)
![](https://vsu.am/wp-content/uploads/2023/10/IMG_2583-1024x971.jpg)
![](https://vsu.am/wp-content/uploads/2023/10/IMG_2619-1024x1002.jpg)
![](https://vsu.am/wp-content/uploads/2023/10/IMG_2638-1024x989.jpg)
![](https://vsu.am/wp-content/uploads/2023/10/IMG_2656-1024x683.jpg)
![](https://vsu.am/wp-content/uploads/2023/10/IMG_2661-1024x738.jpg)
![](https://vsu.am/wp-content/uploads/2023/10/IMG_2670-1024x762.jpg)
![](https://vsu.am/wp-content/uploads/2023/10/IMG_2717-1024x861.jpg)
![](https://vsu.am/wp-content/uploads/2023/10/IMG_2671-1021x1024.jpg)
![](https://vsu.am/wp-content/uploads/2023/10/IMG_2683-903x1024.jpg)
![](https://vsu.am/wp-content/uploads/2023/10/IMG_2690-1024x883.jpg)
![](https://vsu.am/wp-content/uploads/2023/10/IMG_2707-953x1024.jpg)
![](https://vsu.am/wp-content/uploads/2023/10/IMG_2714-1024x924.jpg)
![](https://vsu.am/wp-content/uploads/2023/10/IMG_2725-1024x971.jpg)