ՎՊՀ-ում կայացավ «Լեզուն և գրականությունը միջմշակութային հաղորդակցության համատեքստում» խորագիրը կրող 6-րդ միջազգային գիտաժողովը
Վանաձորի Հ. Թումանյանի անվան պետական համալսարանում բուհի օտար լեզուների և գրականության ամբիոնի նախաձեռնությամբ կայացավ «Լեզուն և գրականությունը միջմշակութային հաղորդակցության համատեքստում» խորագիրը կրող 6-րդ միջազգային գիտաժողովը:
Բացման խոսքով հանդես եկավ Վանաձորի Հ. Թումանյանի անվան պետական համալսարանի գիտական աշխատանքների գծով պրոռեկտոր, կենսաբանական գիտությունների թեկնածու, դոցենտ Վարդուհի Հովսեփյանը՝ ողջունելովներկաներին և շնորհակալություն հայտնելով մասնակցության համար: Ողջույնի խոսք ասաց նաև բուհի ռեկտոր, տեխնիկական գիտությունների դոկտոր, պրոֆեսոր Ռուստամ Սահակյանը՝ մատնանշելով գիտաժողովի նպատակները, Լեհաստանից, Բուլղարիայից, Վրաստանից և Ռուսաստանից բանախոսների մասնակցությունը: Ռեկտորը հույս հայտնեց, որ գիտաժողովը մասնակից երկրների մասնագետների համար համատեղ գիտական աշխատանքներ իրականացնելու նախադրյալներ կստեղծի:
Միջազգային 6-րդ գիտաժողովի լիագումար նիստը մեկնարկեց բանասիրական գիտությունների թեկնածու, օտար լեզուների և գրականության ամբիոնի դոցենտ Կարինե Առուստամյանի ««Նարնջագույն» գունանվանման իմաստային ընդարձակումները ռուս գրականության մեջ» զեկույցով: Հաջորդիվ Տոմսկի պետական համալսարանից բանասիրական գիտությունների դոկտոր, պրոֆեսոր, ռոմանագերմանական բանասիրության ամբիոնի վարիչ Նատալյա Նիկոնովան հանդես եկավ «Էպիստոլյար տեքստերի տեքստաբանական նախապատրաստում. Վ.Ա.Ժուկովսկու նամակագրության հիման վրա» զեկույցով: Գիտաժողովի լիագումար նիստի երրորդ զեկույցը ներկայացրեց Մոսկվայի քաղաքային մանկավարժական համալսարանի փիլիսոփայության և սոցիալական գիտությունների ամբիոնի պրոֆեսոր, սոցիոլոգիական գիտությունների դոկտոր Իրինա Սավչենկոն: Զեկույցի թեման էր «Լեզուն միջմշակութային հաղորդակցության մեջ. գործիք թե արժեք»:
Լիագումար նիստից հետո գիտաժողովի աշխատանքները շարունակվեցին մասնագիտական բաժանմունքներում: ԼԵԶՎԱԲԱՆՈՒԹՅԱՆ ԵՎ ԼԵԶՎԻ ԴԱՍԱՎԱՆԴՄԱՆ ՄԵԹՈԴԻԿԱՅԻ բաժանմունքում նախագահեցին բանասիրական գիտությունների թեկնածու, դոցենտ Թադևոս Թադևոսյանն ու բանասիրական գիտությունների թեկնածու, դոցենտ Կարինե Առուստամյանը: ԳՐԱԿԱՆԱԳԻՏՈՒԹՅԱՆ բաժանմունքում նախագահեցին բանասիրական գիտությունների դոկտոր, պրոֆեսոր Նատալյա Նիկոնովան և բանասիրական գիտությունների թեկնածու, դոցենտ Վալերի Փիլոյանը: Զեկուցումներ հնչեցին նաև առցանց եղանակով:
Գիտաժողովի ավարտին զեկուցողները ստացան մասնակցության հավաստագրեր:
![](http://vsu.am/wp-content/uploads/2022/10/IMG_0453-2-1024x778.jpg)
![](http://vsu.am/wp-content/uploads/2022/10/IMG_0466-1-1024x928.jpg)
![](http://vsu.am/wp-content/uploads/2022/10/1-6-1-1024x593.jpg)
![](http://vsu.am/wp-content/uploads/2022/10/IMG_0551-1-1005x1024.jpg)
![](http://vsu.am/wp-content/uploads/2022/10/IMG_0506-1-1024x848.jpg)
![](http://vsu.am/wp-content/uploads/2022/10/IMG_0474-1-1024x683.jpg)
![](http://vsu.am/wp-content/uploads/2022/10/IMG_0441-1-1024x854.jpg)
![](http://vsu.am/wp-content/uploads/2022/10/IMG_0560-1024x872.jpg)
![](http://vsu.am/wp-content/uploads/2022/10/IMG_0571-1024x759.jpg)
![](http://vsu.am/wp-content/uploads/2022/10/IMG_0563-1024x893.jpg)
![](http://vsu.am/wp-content/uploads/2022/10/IMG_0566-1024x955.jpg)
![](http://vsu.am/wp-content/uploads/2022/10/IMG_0561-1024x810.jpg)
![](http://vsu.am/wp-content/uploads/2022/10/IMG_0554-4-994x1024.jpg)
![](http://vsu.am/wp-content/uploads/2022/10/IMG_0558-1003x1024.jpg)
![](http://vsu.am/wp-content/uploads/2022/10/IMG_0464-1024x802.jpg)
![](http://vsu.am/wp-content/uploads/2022/10/IMG_0488-1-1024x557.jpg)
![](http://vsu.am/wp-content/uploads/2022/10/IMG_0486-1024x811.jpg)
![](http://vsu.am/wp-content/uploads/2022/10/IMG_0518-1024x683.jpg)
![](http://vsu.am/wp-content/uploads/2022/10/IMG_0511-1024x683.jpg)
![](http://vsu.am/wp-content/uploads/2022/10/IMG_0483-1024x523.jpg)
![](http://vsu.am/wp-content/uploads/2022/10/IMG_0542-1024x908.jpg)
![](http://vsu.am/wp-content/uploads/2022/10/IMG_0522-1024x815.jpg)