Վանաձորի պետական համալսարանում այսուհետ կգործի «Քաղաքացիական կրթության կենտրոն» նախագիծը
Դեկտեմբերի 12-ին Վանաձորի Հ. Թումանյանի անվան պետական համալսարանում «ՓԻ-ԷՅՉ Ինթերնեշնլ» կազմակերպությոան հետ համատեղ մեկնարկեց «Քաղաքացիական կրթության կենտրոն» նախագիծը. կողմերի միջև կնքվեց համատեղ գործունեության պայմանագիր:
Լսարանի բացմանը ելույթ ունեցան «ՓԻ-ԷՅՉ Ինթերնեշնլ» կազմակերպության ղեկավար Մարիամ Մարտիրոսյանը, համալսարանի ռեկտոր Ռուստամ Սահակյանը, Վանաձոր համայնքի ղեկավարի գլխավոր խորհրդական Արման Բերնեցյանը: Միջոցառմանը ներկա էին մարզային և տեղական ինքնակառավարման մարմինների ներկայացուցիչներ, բուհի անձնակազմն ու ուսանողները։
«Քաղաքացիական կրթության կենտրոն» նախագիծը ստեղծվել է ԱՄՆ Միջազգային զարգացման գործակալության (ԱՄՆ ՄԶԳ) կողմից ֆինանսավորվող «Քաղաքացիական կրթություն և մասնակցություն» հնգամյա ծրագրի նյութական և մեթոդական օժանդակությամբ։ Նախաձեռնության նպատակն է ստեղծել նպաստավոր միջավայր երիտասարդների քաղաքացիական գիտելիքների, սոցիալական և տեխնիկական կարողությունների զարգացման, ինչպես նաև հանրային որոշումներում նրանց ներգրավման համար։
«Քաղաքացիական կրթության կենտրոն» նախագծի լսարանը կահավորվել և համալրվել է համակարգչային տեխնիկայով։ Առկա է նաև գրադարան, որը ներառում է մեծ պահանջարկ վայելող մասնագիտական և հանրամատչելի գրականություն։ Թե՛ համալսարանի ուսանողները և թե՛ համայնքի երիտասարդները լսարանի ռեսուրսներից կարող են անվճար օգտվել և մասնակցել տարատեսակ միջոցառումների, դասընթացների ու հանդիպում-քննարկումների երկուշաբթիից-շաբաթ, ժամը 14։00-ից 18։00-ի հատվածում։
![](https://vsu.am/wp-content/uploads/2023/12/IMG_6165-1-1024x683.jpg)
![](https://vsu.am/wp-content/uploads/2023/12/IMG_6172-1024x781.jpg)
![](https://vsu.am/wp-content/uploads/2023/12/IMG_6187-1024x684.jpg)
![](https://vsu.am/wp-content/uploads/2023/12/IMG_6200-1-1024x683.jpg)
![](https://vsu.am/wp-content/uploads/2023/12/IMG_6201-1-1024x683.jpg)
![](https://vsu.am/wp-content/uploads/2023/12/IMG_6206-1024x710.jpg)
![](https://vsu.am/wp-content/uploads/2023/12/IMG_6210-1-1024x683.jpg)
![](https://vsu.am/wp-content/uploads/2023/12/IMG_6212-1024x711.jpg)
![](https://vsu.am/wp-content/uploads/2023/12/IMG_6214-1-1024x683.jpg)
![](https://vsu.am/wp-content/uploads/2023/12/IMG_6222-1-1024x833.jpg)
![](https://vsu.am/wp-content/uploads/2023/12/IMG_6226-1-1024x683.jpg)
![](https://vsu.am/wp-content/uploads/2023/12/IMG_6228-1-1024x683.jpg)
![](https://vsu.am/wp-content/uploads/2023/12/IMG_6252-1024x683.jpg)
![](https://vsu.am/wp-content/uploads/2023/12/IMG_6262-1024x683.jpg)
![](https://vsu.am/wp-content/uploads/2023/12/IMG_6274-1024x683.jpg)
![](https://vsu.am/wp-content/uploads/2023/12/IMG_6284-1024x683.jpg)
![](https://vsu.am/wp-content/uploads/2023/12/IMG_6290-1024x683.jpg)
![](https://vsu.am/wp-content/uploads/2023/12/IMG_6291-1024x683.jpg)
![](https://vsu.am/wp-content/uploads/2023/12/IMG_6297-1024x850.jpg)