Վանաձորի Հ. Թումանյանի անվան պետական համալսարանի աշխատանքային խմբի այցը Օձունի դպրոցներ
Օրերս Վանաձորի Հ. Թումանյանի անվան պետական համալսարանի աշխատանքային խումբը մասնագիտական կողմնորոշման և ընդունելության կարգին ծանոթացնելու նպատակով այցելեց Օձուն խոշորացված համայնքի Թիվ 1 և Թիվ 2 միջնակարգ դպրոցներ:
Գիտահետազոտական աշխատանքների, նորարարությունների և համագործակցության բաժնի ղեկավար Արմենուհի Հարությունյանը, մաթեմատիկայի և ինֆորմատիկայի ամբիոնի վարիչ Հեղինե Օհանյանը, օտար լեզուների և գրականության ամբիոնի դոցենտ Կարինե Առուստամյանը և բուհ-դպրոց կապի աշխատանքների համակարգող-մասնագետ Աիդա Իսկանդարյանը հանդիպեցին Օձունի Թիվ 1 և Թիվ 2 միջնակարգ դպրոցների 10-րդ և 11-րդ դասարանների աշակերտների հետ:
Աշակերտներին ներկայացվեց համալսարանի կառուցվածքը, կրթական ծրագրերը, մասնագիտությունները։ Հանդիպման ընթացքում խոսվեց նաև շարժունության ծրագրերի և վարձավճարների զեղչային համակարգի մասին:
Աշակերտները ստացան իրենց հուզող հարցերի պատասխանները:
Այցելությունն իրականացավ բուհ-դպրոց կապի շրջանակում՝ նպատակ ունենալով նպաստել աշակերտների մասնագիտական ճիշտ կողմնորոշմանը:
Հանդիպման վերջում աշակերտներին տրամադրվեցին նաև տեղեկատվական նյութեր:
![](https://vsu.am/wp-content/uploads/2023/03/331318057_726672658934015_5241541852307376692_n-1024x768.jpg)
![](https://vsu.am/wp-content/uploads/2023/03/335390198_160332643163943_1453146193965189813_n-1024x461.jpg)
![](https://vsu.am/wp-content/uploads/2023/03/335708878_920665199248780_799278616646285128_n-778x1024.jpg)
![](https://vsu.am/wp-content/uploads/2023/03/335454852_569434671808339_8547042281113315050_n-1024x659.jpg)
![](https://vsu.am/wp-content/uploads/2023/03/335373904_577025537723308_3319805391749684156_n-1024x461.jpg)
![](https://vsu.am/wp-content/uploads/2023/03/333009060_744880000325152_5784959125669521001_n.jpg)