Վկայագրեր շնորհվեցին նախադպրոցական ուսումնական հաստատության ղեկավարման իրավունք (հավաստագիր) ստանալու համար կազմակերպված վերապատրաստման դասընթացի մասնակիցներին
Վկայագրեր շնորհվեցին նախադպրոցական ուսումնական հաստատության ղեկավարման իրավունք (հավաստագիր) ստանալու համար կազմակերպված վերապատրաստման դասընթացի մասնակիցներին
Ավարտվեց ՀՀ ԿԳՄՍ նախարարության երաշխավորությամբ Վանաձորի պետական համալսարանում կազմակերպված վերապատրաստման դասընթացը` նախադպրոցական ուսումնական հաստատության ղեկավարման իրավունք (հավաստագիր) ստանալ ցանկացողների համար:
Դասընթացը մեկնարկեց հուլիսի 19-ին և տևեց 15 օր:
Դասընթացը վարեցին վերապատրաստման մեծ փորձ ունեցող մասնագետները: Դասընթացի մասնակիցները ուրախությամբ փաստում են, որ տպավորված են ոչ միայն վերապատրաստողների մասնագիտական գիտելիքներով, այլև մարդկային բարձր հատկանիշներով, ինչը հնարավորություն է տվել վերապատրաստման դասընթացն անցկացնել դրական մթնոլորտում և որ առավել կարևոր է՝ հնարավորինս արդյունավետ:
Վերապատրաստվողների խոսքով՝ դասընթացի արդյունքում բավականին շատ գիտելիքներ են ստացել օրենսդրական փոփոխությունների հետ կապված, ինչպես նաև ամրապնդել արդեն իսկ իմացածը: Մասնակիցների խոսքով՝ դասընթացները բարձր մակարդակով էին կազմակերպված, մասնագետները՝ փորձառու և մոտիվացնող:
Դասընթացի ավարտին բոլոր մասնակիցները վկայագրեր ստացան Վանաձորի Հ. Թումանյանի անվան պետական համալսարանի կողմից: Շնորհավորում ենք և մաղթում հաջողություն՝ առաջիկայում կայանալիք հավաստագրմանը:
