Վանաձորի պետական համալսարանում հանդիսավորությամբ ազդարարվեց նոր ուսումնական տարվա սկիզբը
Հայաստանի Հանրապետության և Վանաձորի Հ. Թումանյանի անվան պետական համալսարանի հիմնի ներքո ազդարարվեց 2022-23 ուստարվա գիտելիքի, գրի և դպրության օրվան նվիրված միջոցառման մեկնարկը: Ներկաներին գեղարվեստական ելույթով ողջունեց համալսարանի «Ադելաս» պարային համույթը :
Նոր ուսումնական տարվա մեկնարկի կապակցությամբ բոլոր ուսանողներին, կրթության ոլորտի ներկայացուցիչներին՝ մանկավարժներին, պրոֆեսորադասախոսական անձնակազմին և առանձնահատուկ առաջին կուրսեցիներին շնորհավորեցին համալսարանի ռեկտոր Ռուստամ Սահակյանը, հումանիտար գիտությունների ֆակուլտետի դեկան Մարիյա Բրուտյանը, ՎՊՀ-ի հումանիտար գիտությունների ֆակուլտետի «Հայոց լեզու և գրականություն» մասնագիտության մագիստրատուրայի 2021-22 ուստարվա շրջանավարտ Անահիտ Ազարյանը և քոլեջի ուսանողուհի Անի Հովհաննիսյանը:
Ամենաբարձր միավորներով անվճար համակարգով համալսարան ընդունված հումանիտար գիտությունների ֆակուլտետի «Անգլերեն լեզու և գրականություն» մասնագիտության բաժնի ուսանողուհի Շահանե Խաչատրյանը հանդես եկավ երդման արարողությամբ և ստանձնեց գիտելիքի բանալին հանձնելու պատասխանատվությունը:
Վանաձորի պետական համալսարանի պրոֆեսորադասախոսական անձնակազմը վստահ է, որ ուսումնական այս տարին, ինչպես և նախորդ բոլոր տարիները, լինելու է կրթության և գիտելիքի վերաարժևորման տարի:
Սիրելի՛ առաջին կուրսեցիներ, թո՛ղ որ այս զանգն ազդարարի ձեր կյանքի նոր և կարևոր շրջափուլի սկիզբը՝ լի բազում հույսերով և իրականանալի նպատակներով: Հուսով ենք, որ դուք էլ մի օր հպարտությամբ կասեք.
«Ես ավարտել եմ Վանաձորի Հ. Թումանյանի անվան պետական hամալսարանը»:
Բարի երթ և կանաչ ճանապարհ՝ դեպի գիտության բարձունքը տանող դժվարամատույց, բայց հաղթահարելի ճանապարհին:
![](http://vsu.am/wp-content/uploads/2022/09/2-1024x683.jpg)
![](http://vsu.am/wp-content/uploads/2022/09/3-1024x750.jpg)
![](http://vsu.am/wp-content/uploads/2022/09/13-1024x510.jpg)
![](http://vsu.am/wp-content/uploads/2022/09/14-1024x494.jpg)
![](http://vsu.am/wp-content/uploads/2022/09/11-1024x615.jpg)
![](http://vsu.am/wp-content/uploads/2022/09/12-1024x539.jpg)
![](http://vsu.am/wp-content/uploads/2022/09/6-1024x748.jpg)
![](http://vsu.am/wp-content/uploads/2022/09/7-1024x577.jpg)
![](http://vsu.am/wp-content/uploads/2022/09/8-1024x620.jpg)
![](http://vsu.am/wp-content/uploads/2022/09/9-1024x511.jpg)
![](http://vsu.am/wp-content/uploads/2022/09/10-1024x476.jpg)
![](http://vsu.am/wp-content/uploads/2022/09/4-1024x683.jpg)
![](http://vsu.am/wp-content/uploads/2022/09/1-1024x1001.jpg)