Պարգևատրման արարողություն՝ Վանաձորի պետական համալսարանում
Պարգևատրման արարողություն՝ Վանաձորի պետական համալսարանում
Մայիսի 23-ին Վանաձորի Հ. Թումանյանի անվան պետական համալսարանի դահլիճը կրկին մարդաշատ էր: ՀՀ և ՎՊՀ օրհներգերը հնչեցնելուց հետո ողջույնի խոսքով հանդես եկավ համալսարանի ռեկտոր Ռուստամ Սահակյանը:
Ռեկտորը նշեց, որ համալսարանում կազմակերպվող միջոցառումներին մարզի տարբեր դպրոցներից աշակերտների մասնակցության թիվը գնալով ավելի է մեծանում, ինչը ողջունելի է:
Միջոցառմանը երաժշտական կատարումով հանդես եկավ համալսարանի ուսանող Մանյա Վարդանյանը: Ելույթին հաջորդեց պարգևատրման արարողությունը:
2023թ-ի առարկայական օլիմպիադաների հաղթողներին 1-ին կարգի դիպլոմները շնորհեց համալսարանի ռեկտոր Ռուստամ Սահակյանը: Մրցանակները հանձնեցին առարկայական օլիմպիադաների հանձնաժողովների նախագահները և անդամները:
Միջոցառման ընթացքում պարգևատրվեցին նաև Հովհաննես Թումանյանի մահվան 100-ամյա տարելիցին նվիրված ասմունքի մրցույթի մրցանակային տեղեր գրաված և տպավորիչ ելույթների համար շնորհակալագրերի արժանացած մասնակիցները:
