ՎՊՀ աշխատակիցների այցը Մարիբորի համալսարան
ERASMUS+ (Ժան Մոնե գործողություններ) ծրագրի PROMՕEU – Promotion of European Studies in Armenia- (Եվրոպական ուսումնասիրությունների խթանում) նախագծի իրականացվող գործողությունների շրջանակներում Վանաձորի պետական համալսարանի Հումանիտար գիտությունների ֆակուլտետի դեկան Մարիյա Բրուտյանը և Օտար լեզուների և գրականության ամբիոնի դոցենտ Լուսիկ Վարդանյանը 2022 թ. հոկտեմբերի 24-ից 28-ը աշխատանքային այց են կատարել Սլովենիայի Մարիբորի համալսարան:
PROMՕEU նախագծի հիմնական նպատակն է նպաստել Հայաստանում ԵՄ-ի հետ կապված ուսումնասիրությունների իմացությանն և իրազեկմանը, համապատասխան կադրերի կրթությանն ու վերապատրաստմանը:
Հայաստանյան բուհերի ներկայացուցիչներին ողջունեցին Մարիբորի համալսարանի ռեկտոր Զդրավկո Կաչիչը, ծրագրի ղեկավար պրոֆեսոր Սիլվո Դևետակը: Համաձայն օրակարգի՝ ծրագրի անդամ հայաստանյան բուհերի ներկայացուցիչները ծանոթացան Մարիբորի համալսարանի գործունեությանը, առաջատար փորձին, միջազգային ծրագրերին, գրադարանային համակարգին: Լ. Վարդանյանը և Մ. Բրուտյանը հանդիպումներ ունեցան Արվեստի ֆակուլտետի պրոֆեսորադասախոսական անձնակազմի և ուսանողության հետ, որի շրջանակներում քննարկվեցին հետագա բոլոր համագործակցային հնարավորությունները: Մարիբորի համալսարանն իր պատրսատակամությունը հայտնեց անձնակազմի և ուսանողների կրեդիտների միջազգային շարժունության, ինչպես նաև համատեղ գիտական ուսումնասիրությունների իրականացման ուղղությամբ:
Այցի շրջանակներում կազմակերպվել էր քննարկում Հարավային Կովկասի տարածաշրջանային անվտանգության հետ կապված իրավիճակի վերաբերյալ: Մ. Բրուտյանը սլովենացի գործընկերներին ներկայացրեց Արցախյան հիմնահարցը:
Քննարկվեցին նաև ծրագրի հետագա գործողությունները՝ ուսանողական էսսեների մրցույթի անցկացում, խմբագրում, տպագրություն, Մարիբորի համալսարանի դասախոսների կողմից Հայաստանի գործընկեր բուհերի դասախոսների և ուսանողների համար առցանց դասախոսությունների անցկացում, ուսանողական ամառային դպրոցի իրականացում, ծրագրի ամփոփիչ համաժողովի կազմակերպում:
![](https://vsu.am/wp-content/uploads/2022/11/314552713_2976132999355665_7252204126998411412_n-1024x768.jpg)
![](https://vsu.am/wp-content/uploads/2022/11/314668289_443614074509937_141861040051351573_n-1024x768.jpg)
![](https://vsu.am/wp-content/uploads/2022/11/314673759_788689128885184_8189767745248675997_n-1024x1024.jpg)
![](https://vsu.am/wp-content/uploads/2022/11/315110816_529332679039116_9015284844626747526_n-1024x768.jpg)
![](https://vsu.am/wp-content/uploads/2022/11/315206240_1463144311174300_2977419577665852969_n-1024x768.jpg)
![](https://vsu.am/wp-content/uploads/2022/11/315228100_5319669088143697_4367087523916007398_n-1024x768.jpg)
![](https://vsu.am/wp-content/uploads/2022/11/315295251_530201425241167_7763373185748097876_n-1024x768.jpg)