Մեծն լոռեցու 155-ամյա հոբելյանը՝ Վանաձորի Հ. Թումանյանի անվան պետական համալսարանում
«Կա Մեծարենց, կա Տերյան և բազում ուրիշ պոետներ կան, բայց Թումանյանն է անհաս Արարատը մեր նոր քերթության»:
Ե. Չարենց
Փետրվարի 19-ը խորհրդանշական օր է հայ ժողովրդի համար, իսկ լոռեցիներիս համար՝ հատկապես, քանի որ այդ օրը լրանում է Հովհաննես Թումանյանի ծննդյան 155-ամյա հոբելյանը։ Թումանյանը հայ իրականության մեջ առաջիններից էր, որ անընդհատ բարձրաձայնում էր Հայաստանում համալսարան ունենալու անհրաժեշտությունը։ Եվ ահա մեծ գրողի անունը կրող համալսարանի հարկի ներքո տոնեցինք նրա ծննդյան հերթական՝ 155-րդ հոբելյանը։ «Անմահ Թումանյան» երաժշտական կատարմամբ ներկաներին ողջունեց համալսարանի ուսանող Արգիշտի Վարդանյանը։
Միջոցառման երաժշտական մասին հաջորդեց ՎՊՀ հումանիտար գիտությունների ֆակուլտետի հայոց լեզվի և գրականության ամբիոնի կազմակերպած մրցույթ-վիկտորինան, որի մասնակից խմբերն էին «Հայոց լեզու և գրականություն» մասնագիտության 2-րդ և 3-րդ կուրսի ուսանողուհիները։ Մրցույթի նպատակը Թումանյանի կյանքի և ստեղծագործության ուղիներով հանդիսատեսի հետ ևս մեկ անգամ քայլելն էր։
Համաձայն մրցույթի արդյունքների՝ հաղթող ճանաչվեց երրորդ կուրսեցիների թիմը: Թիմի անդամներին մրցանակներ հանձնեց հումանիտար գիտությունների ֆակուլտետի դեկան Մարիյա Բրուտյանը: Երկրորդ կուրսեցիներին խրախուսական նվերներ հանձնեց հայոց լեզվի և գրականության ամբիոնի վարիչ Հերմինե Բաբուռյանը: Վանաձորի պետական համալսարանի գրադարանի կողմից սահմանված հատուկ մրցանակին՝ Հովհաննես Թումանյանի 145-ամյա հոբելյանին նվիրված գիտաժողովի նյութերի ժողավածուին, արժանացավ երկրորդ կուրսեցիների թիմը:
Քանի որ Հովհաննես Թումանյանի ծննդյան օրը նշվում է նաև որպես Գիրք նվիրելու օր, միջոցառման ավարտին հանդիսատեսին հաճելի անակնկալ էր սպասվում համալսարանի նախասրահում. հումանիտար գիտությունների ֆակուլտետի նախաձեռնությամբ ներկաներից յուրաքանչյուրն ընտրեց իր հետաքրքրություններին համապատասխան նվեր-գիրք:
![](https://vsu.am/wp-content/uploads/2024/02/IMG_8629-1-1024x811.jpg)
![](https://vsu.am/wp-content/uploads/2024/02/IMG_8636-2-1024x807.jpg)
![](https://vsu.am/wp-content/uploads/2024/02/IMG_8749-3-1024x741.jpg)
![](https://vsu.am/wp-content/uploads/2024/02/IMG_8758-1-1024x835.jpg)
![](https://vsu.am/wp-content/uploads/2024/02/IMG_8761-1-1024x659.jpg)
![](https://vsu.am/wp-content/uploads/2024/02/IMG_8765-2-1024x683.jpg)
![](https://vsu.am/wp-content/uploads/2024/02/IMG_8769-1-1024x870.jpg)
![](https://vsu.am/wp-content/uploads/2024/02/IMG_8787-1-1024x776.jpg)
![](https://vsu.am/wp-content/uploads/2024/02/IMG_8795-1-1024x716.jpg)
![](https://vsu.am/wp-content/uploads/2024/02/IMG_8822-2-1024x683.jpg)
![](https://vsu.am/wp-content/uploads/2024/02/IMG_8839-2-1024x683.jpg)
![](https://vsu.am/wp-content/uploads/2024/02/IMG_8839-3-1024x683.jpg)
![](https://vsu.am/wp-content/uploads/2024/02/IMG_8847-1-683x1024.jpg)
![](https://vsu.am/wp-content/uploads/2024/02/IMG_8859-1-1024x915.jpg)
![](https://vsu.am/wp-content/uploads/2024/02/IMG_8861-1-944x1024.jpg)
![](https://vsu.am/wp-content/uploads/2024/02/IMG_8757-2-1024x575.jpg)