DeSIRe
Էրազմուս+ ծրագրի` ՀԳ2 ԿԶԲԿ «Հայաստանի և Վրաստանի բուհերում 21-րդ դարի աշխատաշուկայի պահանջներին համահունչ ճկուն հմտությունների զարգացում» (DeSIRe) նախագիծը
Ծրագրի համար՝
101128804 — DeSIRe — ERASMUS-EDU-2023-CBHE
Տևողություն՝
01.12.2023 – 30.11.2026 թթ.
Համակարգող՝
Վանաձորի Հ. Թումանյանի անվան պետական համալսարան
Մասնակիցներ՝
Հայաստան
- Հայաստանի Խ. Աբովյանի անվան պետական մանկավարժական համալսարան, ՀՊՄՀ
- Հայաստանի գեղարվեստի պետական ակադեմիա, ՀԳՊԱ
- Գորիսի պետական համալսարան, ԳՊՀ
- «ՀԿ Կենտրոն» հասարակական կազմակերպություն
- Մասնագիտական կրթության որակի ապահովման ազգային կենտրոն, ՈԱԱԿ
Վրաստան
- Թբիլիսիի Իվանե Ջավախիշվիլու անվան պետական համալսարան, ԹՊՀ
- Իլիայի պետական համալսարան, ԻՊՀ
- Բաթումի Շոթա Ռուսթավելու անվան պետական համալսարան, ԲՊՀ
- Սուխումի պետական համալսարան, ՍՊՀ
- Կրթության որակի խթանման ազգային կենտրոն, ԿՈԽԱԿ
ԵՄ գործընկերներ
- Դրեզդենի տեխնոլոգիական համալսարան, ԴՏՀ, Գերմանիա
- Լապինրանտայի տեխնոլոգիական համալսարան, ԼՏՀ, Ֆինլանդիա
- Գրանադայի համալսարան, ԳՀ, Իսպանիա
- Դուն Լաուոգերի անվան արվեստի, դիզայնի և տեխնոլոգիաների ինստիտուտ, ԱԴՏԻ, Իռլանդիա
Նախագծի նկարագիր
Եվրամիության կողմից ֆինանսավորվող Erasmus+ կարողությունների զարգացման DeSIRe եռամյա նախագիծը միտված է Հայաստանի և Վրաստանի բարձրագույն ուսումնական հաստատություններում Ճկուն հմտությունների զարգացմանը 21-րդ դարի աշխատաշուկայի պահանջներին համահունչ։ Ճկուն հմտությունների (Soft Skills) զարգացումը ապահովում է ուսանողների լիարժեք կրթություն ստանալու և անձի՝ անընդհատ փոփոխվող միջավայրում հարմարվելու և աշխատաշուկայում մրցունակ մնալու հնարավորությունը: Նախագիծն առաջարկվել է՝ լրացնելու Հայաստանի և Վրաստանի բարձրագույն ուսումնական հաստատությունների կողմից առաջարկվող ճկուն հմտությունների և աշխատաշուկայի պահանջների միջև առկա բացը:
Հայաստանի և Վրաստանի բուհերի բազում ակադեմիական ծրագրեր առավելապես հիմնված են ավանդական գիտական ուսուցման մեթոդների վրա: Այս մեթոդները մեծ մասամբ բարձրացնում են ուսանողների առարկայական կարողություններն ու հմտությունները: Հետևաբար ճկուն հմտությունները մնում են անկատար, քանի որ դրանք բավականաչափ զարգացած կամ հարմարեցված չեն կրթության վերջին միտումներին և աշխատաշուկայի արագ փոփոխվող պահանջներին: Սա հատկապես նկատելի է դասավանդման մեթոդաբանության, բովանդակության և ճկուն հմտությունների գնահատման առումով: Բուհերում ճկուն հմտությունների վրա հիմնված գիտելիքների և կարողությունների ավելի առաջադեմ մակարդակի հասնելու համար այս նախագիծը նպատակ ունի մշակելու և կիրառելու ճկուն հմտություններին առնչվող 5 մոդուլ և 5 զանգվածային բաց առցանց դասընթաց ինչպես պաշտոնական, այնպես էլ ոչ պաշտոնական կրթության մեջ բակալավրի և մագիստրատուրայի ծրագրերում: Մոդուլները կմշակվեն թյունինգի մեթոդաբանության հիման վրա` համաձայն ուսանողակենտրոն և աշխատաշուկայի պահանջարկի հեռանկարի: Դա կնպաստի Հայաստանի և Վրաստանի բարձրագույն ուսումնական հաստատություններում անձնակազմի շարժունությանը:
Նախագծի ընդհանուր նպատակն է նպաստել Հայաստանի և Վրաստանի ազգային կրթական համակարգերի զարգացմանը՝ համաձայն ճկուն հմտությունների վրա հիմնված ուսուցման և ուսումնառության մեթոդաբանության` հարմարեցված շրջանակների, ռազմավարության և տեխնիկայի նորություններին` բարելավելով ակադեմիական բովանդակության որակը, համապատասխանեցնելով այն 21-րդ դարի աշխատաշուկային: Սա նպատակ ունի բարելավելու ուսանողների առաջխաղացման հնարավորությունները, բարձրացնելու նրանց աշխատունակությունն ու ձեռնարկատիրական հմտությունները՝ օգնելով նրանց արդյունավետորեն հաղթահարելու իրենց մասնագիտական և առօրյա կյանքի մարտահրավերները:
Նախագծի հստակ նպատակներն են`
- վերանայելով զարգացնել սահմանակարգային քաղաքականությունը, ընթացակարգերը, մեխանիզմները և գործիքները` հիմնված ճկուն հմտությունների վրա, և իրականացնել ծրագրային ուսուցում` համաձայն թյունինգի մեթոդաբանության` նկատի առնելով ուսանողակենտրոն և աշխատաշուկայի պահանջներից բխող դիտանկյունները.
- զարգացնել Հայաստանի և Վրաստանի բարձրագույն կրթության հաստատությունների ակադեմիական անձնակազմի կարողությունները՝ խթանելով նրանց մասնագիտական հմտությունները, հիմնվելով նախագծի մասնակից երկրների լավագույն փորձի վրա, որպեսզի կարողանան բացահայտել իրենց ճկուն հմտությունների ընկալման բացերը և առաջարկել նորարարական մոտեցումներ.
- մշակել և կրթական ծրագրերում ներդնել 5 մոդուլներ և 5 զանգվածային բաց առցանց դասընթացներ, որոնք ներառում են այնպիսի ոլորտներ, ինչպիսիք են թվային գրագիտությունը, ներառականությունը, նախաձեռնողականությունն ու առաջնորդությունը, ձեռնարկատիրական հմտությունները, առաջնահերթությունների սահմանումն ու որոշումներ կայացնելու հմտությունը, որոնց տիրապետումը կարևոր է 21-րդ դարի դինամիկ աշխատավայրերում մրցունակ մնալու համար.
- ձևավորել և մշակել ճկուն հմտությունների մեթոդաբանությունը և գնահատել՝ ըստ բարձրագույն կրթության արդի միտումների և մոտեցումների, որպեսզի Հայաստանի և Վրաստանի բարձրագույն կրթության հաստատությունները կարողանան արժևորել ճկուն հմտությունների կարևոր դերը բազմամասնագիտական և միջմասնագիտական ուսուցման ընթացքում.
- ուժեղացնել համագործակցությունը կոնսորցիումի գործընկերների միջև՝ նախագծի համատեղ և արդյունավետ կառավարման, որակի, տարածման և կիրառման միջոցառումների միջոցով.
- ստեղծել ազգային չափանիշներին համապատասխան հավաստագրված մանրորակավորումներ, որոնք առաջարկում են ճկուն, նպատակային ուսուցման հնարավորություններ։
DeSIRe նախագիծը ՎՊՀ-ում իրականացնում են նախագծի համակարգող Լուսիկ Վարդանյանը, համահամակարգող Գոհար Դոխոլյանը, ֆինանսական տնօրեն Ղուկաս Ղուկասյանը, գիտական գծով պրոռեկտոր Վարդուհի Հովսեփյանը, ուսումնական աշխատանքների գծով պրոռեկտոր Լուսինե Կոստանդյանը, որակի ապահովման կենտրոնի ղեկավար Աննա Խաչատրյանը, օտար լեզուների և գրականության ամբիոնի ավագ դասախոս Արինե Դանիելյանը և մանկավարժության և հոգեբանության ամբիոնի դոցենտ Վանանե Միրզոյանը: