Վանաձորի պետական համալսարանը հանդիսավոր արարողությամբ ամփոփեց 2021-2022 ուսումնական տարին
Վանաձորի պետական համալսարանի 2021-2022 ուսումնական տարվա ամփոփիչ միջոցառումը տեղի ունեցավ հուլիսի 7-ին՝ Հովհաննես Աբելյանի անվան պետական դրամատիկական թատրոնի դահլիճում: Միջոցառումը նպատակ ուներ ամփոփելու համալսարանական տարին և երախտագիտություն հայտնելու բուհի աշխատակիցներին, ովքեր ջանք չեն խնայել ամբողջ տարվա ընթացքում՝ համալսարանի պատիվը բարձր պահելու համար:
Հանդիսությունը մեկնարկեց համալսարանի գործունեության վերջին մեկ տարին ամփոփող տեսանյութով, որտեղ զետեղված են հաշվետու տարում բուհի ձեռքբերումներն ու նշանակալի իրադարձությունները, որոնք վերստին հաստատում են, որ Վանաձորի պետական համալսարանը հիրավի արժանի է մարզում լավագույնի կոչմանը:
Ողջույնի խոսքով հանդես եկավ Վանաձորի պետական համալսարանի ռեկտոր, տեխնիկական գիտությունների դոկտոր, պրոֆեսոր Ռուստամ Սահակյանը:
Միջոցառման գեղարվեստական մասն ապահովեցին Վանաձորի պետական համալսարանի «Ադելաս» պարային համույթը՝ «Լայթ տրիո» խմբի երաժիշտների ընկերակցությամբ, Վանաձորի պետական համալսարանի «Բիայնա» երգչախումբը՝ գեղ. ղեկ.՝ ՎՊՀ արվեստի և սպորտի ամբիոնի պրոֆեսոր Սերգեյ Հարությունյան, նվագակցությունը՝ արվեստի և սպորտի ամբիոնի դոցենտ Կարինե Երիցյանի:
Սահյանական ընթերցումներով հանդես եկավ բանասիրական գիտությունների թեկնածու, Երևանի թատրոնի և կինոյի պետական ինստիտուտի Վանաձորի մասնաճյուղի տնօրեն Էլֆիք Զոհրաբյանը:
Չնայած ՎՊՀ մշակույթի կենտրոնն ամեն ինչ արել էր՝ միջոցառումը բարձր մակարդակով և ուրախ տրամադրությամբ անցկացնելու համար, բայց չէր մոռացել մի կարևոր հանգամանքի մասին, ինչը ներկաներին ստիպեց ապրել տխրության, միաժամանակ նաև հպարտության զգացում: ԲՈՒՀ-ը չի մոռացել և չի մոռանա հայրենիքի պաշտպանության համար նահատակված հերոս-շրջանավարտներին և ուսանողներին: Խորհրդանշական և անչափ հուզիչ ելույթով հանդես եկավ Արցախյան 44-օրյա պատերազմի մասնակից Նարեկ Սաքանյանը:
Դե իսկ միջոցառման ամենասպասված մասը, թերևս, պարգևատրման արարողությունն էր: Բուհի տասնյակ աշխատակիցներ ՎՊՀ ռեկտոր Ռուստամ Սահակյանի կողմից շնորհակալագրերի արժանացան:
Պարգևատրման արարողությունն անցավ ջերմ մթնոլորտում՝ ակնկալիքով, որ այն շարունակական կլինի՝ խրախուսելով բուհի աշխատակիցներին:
Միջոցառման մասնակիցները հոտնկայս վայելեցեին Վանաձորի պետական համալսարանի հիմնը (հեղ.՝ ՎՊՀ արվեստի և սպորտի ամբիոնի դոցենտ, կոմպոզիտոր Հայկուհի Հակոբյան)՝ բուհի աշխատակիցների և ուսանողների կատարմամբ: Հանդիսավոր արարողությունը եզրափակվեց խմբերգով:
![](http://vsu.am/wp-content/uploads/2022/07/1-1024x967.jpg)
![](http://vsu.am/wp-content/uploads/2022/07/2-1024x714.jpg)
![](http://vsu.am/wp-content/uploads/2022/07/3-1024x823.jpg)
![](http://vsu.am/wp-content/uploads/2022/07/4-1024x683.jpg)
![](http://vsu.am/wp-content/uploads/2022/07/5-1024x820.jpg)
![](http://vsu.am/wp-content/uploads/2022/07/6-1024x774.jpg)
![](http://vsu.am/wp-content/uploads/2022/07/IMG_8395-1024x683.jpg)
![](http://vsu.am/wp-content/uploads/2022/07/IMG_8405-1024x835.jpg)
![](http://vsu.am/wp-content/uploads/2022/07/IMG_8399-1024x971.jpg)
![](http://vsu.am/wp-content/uploads/2022/07/IMG_8390-1024x683.jpg)
![](http://vsu.am/wp-content/uploads/2022/07/IMG_8397-901x1024.jpg)
![](http://vsu.am/wp-content/uploads/2022/07/IMG_8381-1024x707.jpg)
![](http://vsu.am/wp-content/uploads/2022/07/IMG_8382-1024x622.jpg)
![](http://vsu.am/wp-content/uploads/2022/07/IMG_8369-1024x683.jpg)
![](http://vsu.am/wp-content/uploads/2022/07/IMG_8370-1024x677.jpg)
![](http://vsu.am/wp-content/uploads/2022/07/IMG_8361-1024x680.jpg)
![](http://vsu.am/wp-content/uploads/2022/07/IMG_8364-1024x530.jpg)
![](http://vsu.am/wp-content/uploads/2022/07/IMG_8280-1024x877.jpg)
![](http://vsu.am/wp-content/uploads/2022/07/image-11-07-22-09-24.jpeg)