Վանաձորի պետական համալսարանում հաջողությամբ ընթանում են «Հաշվապահական հաշվառման» դասընթացի երկրորդ փուլի դասերը
Վանաձորի պետական համալսարանում հունվարի 8-ից մեկնարկել է «Հաշվապահական հաշվառման» դասընթացի երկրորդ փուլը: Դասերն ընթանում են միաժամանակ երկու խմբով:
Երեք ամիս տևողությամբ դասընթացում ներառված են աշխատաշուկայում պահանջված հաշվապահական հաշվառման հիմունքներ, ՀՀ հարկային օրենսդրություն, ֆինանսական հաշվետվությունների կազմում, Taxservice, e-invoicing, JSignPdf ծրագրերի ուսուցում:
Դասընթացի ընթացքում ձեռք բերված տեսական գիտելիքներն ամրապնդվում են գործնական խնդիրների լուծման, հաշվետվությունների կազմման, բարդ իրավիճակների վերլուծության և իրավիճակից բխող լուծումների առաջադրման միջոցով:
Դասապրոցեսն իրականացնում են ոլորտի լավագույն մասնագետները: Դասընթացը կավարտվի գործնական աշխատանքների ներկայացմամբ: Ուսման ավարտին մասնակիցներին կտրվի համալսարանի կողմից վավերացված հավաստագիր:
Հաշվի առնելով դասընթացի նկատմամբ մեծ հետաքրքրությունն ու պահանջարկը՝ երկրորդ փուլի ավարտից հետո կազդարարվի երրորդ խմբի ընդունելության մեկնարկը:
![](https://vsu.am/wp-content/uploads/2024/03/IMG_8948-1024x850.jpg)
![](https://vsu.am/wp-content/uploads/2024/03/IMG_8949-1024x775.jpg)
![](https://vsu.am/wp-content/uploads/2024/03/IMG_8957-1024x683.jpg)
![](https://vsu.am/wp-content/uploads/2024/03/IMG_8960-1024x683.jpg)
![](https://vsu.am/wp-content/uploads/2024/03/IMG_8962-1024x683.jpg)
![](https://vsu.am/wp-content/uploads/2024/03/IMG_8966-1-1024x822.jpg)
![](https://vsu.am/wp-content/uploads/2024/03/IMG_8966-1024x822.jpg)
![](https://vsu.am/wp-content/uploads/2024/03/IMG_8972-1024x683.jpg)
![](https://vsu.am/wp-content/uploads/2024/03/IMG_8974-1024x683.jpg)
![](https://vsu.am/wp-content/uploads/2024/03/IMG_8985-1024x994.jpg)