Կայացավ «Վանաձորի Հ. Թումանյանի անվան պետական համալսարան» հիմնադրամի հոգաբարձուների խորհրդի արտահերթ նիստը
«Վանաձորի Հ. Թումանյանի անվան պետական համալսարան» հիմնադրամի հոգաբարձուների խորհրդի արտահերթ նիստը կայացավ հուլիսի 3-ին։ Նիստին ներկա էին խորհրդի 13 անդամներ:
Ըստ «Վանաձորի պետական համալսարան» հիմնադրամի հոգաբարձուների խորհրդի աշխատակարգի՝ նիստը վարեց խորհրդի տարիքով ավագ անդամ՝ Վանաձորի մաթեմատիկայի և բնագիտական առարկաների խորացված ուսուցմամբ «Էվրիկա» հատուկ դպրոցի տնօրեն, մանկավարժական գիտությունների դոկտոր Արմեն Ծատուրյանը: Նա «Վանաձորի Հ. Թումանյանի անվան պետական համալսարան» հիմնադրամի հոգաբարձուների խորհրդի նախագահի պաշտոնի համար առաջարկեց խորհրդի անդամ ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանի թեկնածությունը: Միաձայն կողմ քվեարկությամբ ՀՀ ԿԳՄՍ նախարարի տեղակալ Արաքսիա Սվաջյանն ընտրվեց «Վանաձորի Հ. Թումանյանի անվան պետական համալսարան» հիմնադրամի հոգաբարձուների խորհրդի նախագահ:
Քվեարկության արդյունքում հոգաբարձուների խորհուրդը հաստատեց Erasmus+ բուհերում «Մոլդովայի և Հայաստանի բուհերում առցանց կրթության որակի ամրապնդումը» MEDIA նախագծի համագործակցության համաձայնագիրը և լիազորեց «Վանաձորի Հ. Թումանյանի անվան պետական համալսարան»ռեկտոր Ռուստամ Սահակյանին ստորագրելու համաձայնագիրը:
Հաջորդիվ հաստատվեց «Վանաձորի Հ. Թումանյանի անվան պետական համալսարան» հիմնադրամի 2022 թ. ֆինանսական հաշվետվությունների աուդիտի իրականացման համար ներկայացվող տեխնիկական առաջադրանքի նախագիծը:
Հոգաբարձուների խորհուրդը հաստատեց նաև «Վանաձորի Հ. Թումանյանի անվան պետական համալսարան» հիմնադրամի 2022թ-ի համախառը նախահաշվի կատարողականը:
Քննարկվեց «Վանաձորի Հ. Թումանյանի անվան պետական համալսարան» հիմնադրամի 2023թ-ի համախառը նախահաշվի նախագիծը:
![](https://vsu.am/wp-content/uploads/2023/07/Ա.-Ավաճյան.jpg)
![](https://vsu.am/wp-content/uploads/2023/07/IMG_0040-1024x768.jpg)
![](https://vsu.am/wp-content/uploads/2023/07/IMG_0125-1024x870.jpg)
![](https://vsu.am/wp-content/uploads/2023/07/IMG_0186-1024x677.jpg)
![](https://vsu.am/wp-content/uploads/2023/07/IMG_0130-1024x714.jpg)
![](https://vsu.am/wp-content/uploads/2023/07/IMG_0153-1024x557.jpg)
![](https://vsu.am/wp-content/uploads/2023/07/IMG_0028-1024x596.jpg)
![](https://vsu.am/wp-content/uploads/2023/07/IMG_0098-1024x619.jpg)