Բուհ-Դպրոց կապ
ԲՈՒՀ-ԴՊՐՈՑ ԿԱՊԵՐ
Բուհ-դպրոց կապերի աշխատանքները համալսարանում իրականացվում են 2005թ.-ից: 2014թ.-ից դրանք ներառվել են համագործակցության և կապերի բաժին, ներկայումս կարգաբերվում են գիտահետազոտական աշխատանքների, նորարարությունների և համագործակցության բաժնում:
Բուհ-դպրոց կապերի գործունեության ոլորտներում մասնագիտական կողմնորոշման աշխատանքներ են իրականացնում Լոռու մարզի դպրոցականների շրջանում` նյութեր և տեղեկություններ տրամադրելով համալսարանական կյանքի և կրթական գործունեության, իրականացվող կրթական ծրագրերի, մասնագիտությունների և արտերկրում ուսանելու հնարավորությունների մասին: Բուհ-դպրոց կապերի աշխատանքները բխում են համալսարանի ռազմավարական առաջնահերթ նպատակներից և պլանավորվում ու իրականացվում են յուրաքանչյուր ուսումնական տարվա համար: Համագործակցությունը իրականացվում է Վանաձորի, Գուգարքի և Տաշիրի տարածաշրջանների, Սպիտակի, Ստեփանավանի, Ալավերդու հանրակրթական դպրոցների, վարժարանների և քոլեջների հետ: Համագործակցության շրջանակներում իրականացվող ուսումնադաստիարակչական, մշակութային և այլ միջոցառումները կազմակերպվում են համալսարանի բոլոր ստորաբաժանումների համատեղ աշխատանքի միջոցով:
Կարևորագույն աշխատանքներից են յուրաքանչյուր տարի կազմակերպվող ընդունելության քննությունների նախապատրաստական անվճար դասընթացները, դպրոցականների առարկայական օլիմպիադաները, ստեղծագործական ընդունակությունների բացահայտման և մասնագիտության ճիշտ ընտրության նպատակով պարբերաբար կազմակերպվող շարադրությունների և լուսանկարչական աշխատանքների մրցույթները, հայկական, ռուսական, արտասահմանյան պոեզիայի ասմունքի մրցույթները, մասնագիտական խնդիրների լուծման անհրաժեշտությունից ելնելով` նաև ուսուցիչների մասնակցությամբ կազմակերպվող սեմինարները, կլոր սեղանները: Անցկացվում են նաև «Ֆակուլտետային օրեր», «Մասնագիտությունների տոնավաճառ», բաց դռների օր՝ ծնողների և դիմորդների համար, բաց դասեր, դիտարժան փորձերի ցուցադրում, վարպետության դասեր, աշակերտների մասնագիտական կողմնորոշման այցեր, վիկտորինաներ, գիտելիքների ստուգում և այլն:
![](http://vsu.am/wp-content/uploads/2021/11/P1170932-1024x768.jpg)
![](http://vsu.am/wp-content/uploads/2021/11/IMG_4758-1024x683.jpg)
![](http://vsu.am/wp-content/uploads/2021/11/IMG_3823-1024x683.jpg)
![](http://vsu.am/wp-content/uploads/2021/11/IMG_7674-1024x683.jpg)
![](http://vsu.am/wp-content/uploads/2021/11/IMG_0459-1024x683.jpg)
![](http://vsu.am/wp-content/uploads/2021/11/IMG_0447-1024x683.jpg)
![](http://vsu.am/wp-content/uploads/2021/11/20210929_145109-1024x994.jpg)
Մեկնարկել են դպրոցականների առարկայական օլիմպիադաները ՎՊՀ-ում
Ս.թ. մարտի 15-ից համալսարանում անցկացվեցին դպրոցականների առարկայական օլիմպիադաներ ֆիզիկա, քիմիա, կենսաբանություն, ինֆորմատիկա առարկաներից: Օլիմպիադաներին մասնակցել են Վանաձորի և Ստեփանավանի ավագ դպրոցների, Շահումյանի, Ճոճկանի, Հոբարձու միջնակարգ դպրոցների 76 աշակերտներ, 48 աշակերտ՝ 11-րդ դասարանից և 28 –ը՝ 12-րդ դասարանից:
Առաջիկայում մեկնարկելու են օլիմպիադաներ հետևյալ առարկաներից՝ մաթեմատիկա, հայոց լեզու, հայ գրականություն, ռուսաց լեզու, անգլերեն լեզու, պատմություն, աշխարհագրություն, երաժշտություն, կերպարվեստ :
![](http://vsu.am/wp-content/uploads/2022/03/IMG_1227-1024x683.jpg)
![](http://vsu.am/wp-content/uploads/2022/03/IMG_1230-1024x619.jpg)
![](http://vsu.am/wp-content/uploads/2022/03/IMG_1212-1024x683.jpg)
![](http://vsu.am/wp-content/uploads/2022/03/IMG_1209-1024x683.jpg)
![](http://vsu.am/wp-content/uploads/2022/03/IMG_1204-1024x683.jpg)
![](http://vsu.am/wp-content/uploads/2022/03/IMG_1208-1024x683.jpg)
![](http://vsu.am/wp-content/uploads/2022/03/IMG_1198-1024x683.jpg)
![](http://vsu.am/wp-content/uploads/2022/03/IMG_1078-1024x683.jpg)
![](http://vsu.am/wp-content/uploads/2022/03/IMG_1177-1024x750.jpg)