ՎՊՀ-ում կայացավ գիտական խորհրդի հերթական նիստը
ՎՊՀ—ում կայացավ գիտական խորհրդի հերթական նիստը
Հոկտեմբերի 27-ին Վանաձորի Հ. Թումանյանի անվան պետական համալսարանում տեղի ունեցավ գիտական խորհրդի հերթական նիստը։ Օրակարգը հաստատվեց միաձայն։
Մագիստրոսի կրթական ծրագրով և բակալավրի ու անընդհատ ինտեգրված կրթական ծրագրով ՄԿԾ-ների վերաբերյալ զեկույցով հանդես եկավ ուսումնական աշխատանքների գծով պրոռեկտոր Լ. Կոստանդյանը։ Հաղորդումն ընդունվեց ի գիտություն։
Օրակարգում ներառված երկրորդ հարցի մասին զեկուցեց գիտական աշխատանքների գծով պրոռեկտոր Վ. Հովսեփյանը։ ՎՊՀ ամբիոնների՝ 2021-22. ուստարվա գիտահետազոտական աշխատանքների արդյունավետության վերլուծություն թեմայով զեկույցն ընդունվեց ի գիտություն։ Ելնելով վերլուծությունից` Վ. Հովսեփյանը հանդես եկավ նաև առաջարկով` նպաստել նոր գիտական խմբերի ստեղծմանը, ինչպես նաև ակտիվացնել գիտական սեմինարների անցկացումը։
Հաջորդիվ զեկույցով հանդես եկավ գիտահետազոտական աշխատանքների, նորարարությունների և համագործակցության բաժնի ղեկավար Ա. Հարությունյանը: Ներկայացվեց ատենախոսությունների թեմաների, ղեկավարների, ուսումնական և անհատական պլանների հաստատման մասին զեկույց։
ՎՊՀ գիտխորհրդի կազմը օրակարգի հաջորդ հարցով տպագրության երաշխավորեց հայոց լեզվի և գրականության ամբիոնի դոցենտ Վ. Փիլոյանի՝ «Այսօր և միշտ» գրականագիտական հոդվածների և ուսումնասիրությունների ժողովածուն` զեկուցող` գիտքարտուղար Ս. Բեժանյան։
Գիտական խորհրդին կից մշտական մրցութային հանձնաժողովի նախագահ Ֆ. Մովսիսյանը գիտխորհրդի կազմին ներկայացրեց դոցենտի գիտական կոչման հավակնորդների ցուցակը։ Դոցենտի գիտական ստացան կոչում մանկավարժության և հոգեբանության ամբիոնի դասախոս մ.գ.թ. Լյուդմիլա Դանիելյանը և արվետի և սպորտի ամբիոնի դասախոս Աննա Հովհաննիսյանը:
