Շառլ Ազնավուրի անվան մշակույթի պալատում հանդիսավոր նշվեց Վանաձորի պետական համալսարանի 55 ամյակը և 2023-2024 ուսումնական տարվա ամփոփումը
Վանաձորի Հ. Թումանյանի անվան պետական համալսարանը 55 տարեկան է:
Հուլիսի 9-ին Շառլ Ազնավուրի անվան մշակույթի պալատում հանդիսավոր նշվեց մեր համալսարանի տարելիցը և 2023-2024 ուսումնական տարվա ամփոփումը: Հանդիսության սկիզբն ազդարարվեց Հայաստանի Հանրապետության և համալսարանի հիմներով:
Տեսանյութի միջոցով ներկայացվեց համալսարանի պատմությունը, որն ուղեկցվեց լուսային և պարային համարներով:
Միջոցառմանը ներկա էին համալսարանի ռեկտորը, համայնքի ղեկավարի գլխավոր խորհրդական Արման Բերնեցյանը, քաղաքապետարանի կրթության, մշակույթի և տուրիզմի հարցերի բաժին պետ Քրիստինե Մադոյանը, դասախոսներ, աշխատակիցներ, ուսանողներ և հյուրեր:
Հաջորդիվ հանդիսատեսը դիտեց տեսանյութ՝ բուհի 2023-2024 ուսումնական տարվա ընթացքում արված աշխատանքների, ձեռքբերումների և հաջողությունների մասին:
«Կատարված աշխատանքներով հերթական անգամ մեր համալսարանն ապացուցեց, որ լավագույնն ու առաջատարն է Լոռու մարզում»-իր ելույթում նշեց Վանաձորի պետական համալսարանի ռեկտոր, տեխնիկական գիտությունների դոկտոր, պրոֆեսոր Ռուստամ Սահակյանը:
Շնորհավորանքի խոսքով հանդես եկավ համալսարանի շրջանավարտ, համայնքի ղեկավարի գլխավոր խորհրդական, պատմության ամբիոնի դասախոս Արման Բերնեցյանը:
Միջոցառման ընթացքում ռեկտորի կողմից շնորհակալագրերի արժանացան համալսարանի և ՎՊՀ քոլեջի դասախոսսները, հենակետային վարժարանի ուսուցիչները, վարչական և վարչա-տնտեսական աշխատակիցները, ովքեր ջանք չեն խնայել ուսումնական տարվա ընթացքում՝ հաստատության պատիվը բարձր պահելու համար:
Հանդիսությունը գեղարվեստական ելույթներով զարդարեցին Վանաձորի պետական համալսարանի «Բիայնա» երգչախումբը, «Ադելաս» պարային համույթը և շնորհաշատ ուսանողներ :
Միջոցառումը եզրափակվեց մշակույթի բաժնի ղեկավար Մարիամ Լոռեցյանի հեղինակած երգով:
![](https://vsu.am/wp-content/uploads/2024/07/P1001227-1024x803.jpg)
![](https://vsu.am/wp-content/uploads/2024/07/P1001197-1024x991.jpg)
![](https://vsu.am/wp-content/uploads/2024/07/P1000950-1024x768.jpg)
![](https://vsu.am/wp-content/uploads/2024/07/P1001189-1024x881.jpg)
![](https://vsu.am/wp-content/uploads/2024/07/P1001234-1024x1002.jpg)
![](https://vsu.am/wp-content/uploads/2024/07/P1001224-scaled.jpg)
![](https://vsu.am/wp-content/uploads/2024/07/P1000932-1024x768.jpg)
![](https://vsu.am/wp-content/uploads/2024/07/P1001194-1024x768.jpg)
![](https://vsu.am/wp-content/uploads/2024/07/P1000837-1024x776.jpg)
![](https://vsu.am/wp-content/uploads/2024/07/P1000842-1024x768.jpg)
![](https://vsu.am/wp-content/uploads/2024/07/P1000883-1024x799.jpg)