поддержка PHP 7

ՀՀ, ք. Վանաձոր, Տիգրան Մեծի 36, հեռ. +374 322 46387

ՎՊՀ-ում հյուրընկալվել էր բարձրագույն կրթության փորձագետ, Հայաստանում ֆրանսիական համալսարանի արտաքին կապերի և որակի գծով պրոռեկտոր Արայիկ Նավոյանը: «Էրազմուս+» ծրագրի շրջանակում հյուրը ներկայացրեց հաջողակ դրամաշնորհային նախագիծ մշակելու առանձնահատկությունները:

Համագործակցության և կապերի բաժնի կողմից կազմակերպված հանդիպմանը ներկա էին համալսարանի տարբեր ստորաբաժանումների ներկայացուցիչներ, դեկաններ, ամբիոնների վարիչներ: Սեփական ծրագրերի օրինակով բանախոսը ներկայացրեց հաջողված ու մերժված նախագծերի տարբերությունները՝ մանրակրկիտ ներկայացնելով նաև ձախողման պատճառները:

Սեմինարն ուղեկցվեց գործնական աշխատանքով. խմբերի բաժանվելուց հետո մասնակիցները կազմեցին սեփական նախագծերի գաղափարները` ակտիվ հարց ու պատասխանի միջոցով վեր հանելով թերությունները:

Հաջորդ հանդիպումը կկայանա հոկտեմբեր ամսին՝ կրելով շարունակական բնույթ:

                                                                                                                          Սեփ. լրատվություն

Back to top