Բանասիրական ֆակուլտետ

Ֆակուլտետում ուսուցում է իրականացվում հետևյալ մասնագիտություններով`

Բակալավրիատի ծրագրով`

Հայոց լեզու և գրականություն (առկա և հեռակա)
որակավորումը` բանասիրության բակալավր, ուսուցիչ

Ռուսաց լեզու և գրականություն (առկա և հեռակա)
որակավորումը` բանասիրության բակալավր, ուսուցիչ

Անգլերեն լեզու և գրականություն (առկա և հեռակա)
որակավորումը` բանասիրության բակալավր, ուսուցիչ

Լրագրություն (ժուռնալիստիկա) (առկա և հեռակա)
որակավորումը` լրագրող

Թարգմանչական Գործ (առկա)
որակավորումը` թարգմանիչ

Մագիստրատուրայի ծրագրով`

Հայոց լեզու և գրականություն (առկա և հեռակա)
որակավորումը` բանասիրության մագիստրոս

Ռուսաց լեզու և գրականություն (առկա)
որակավորումը` բանասիրության մագիստրոս

Անգլերեն լեզու և գրականություն (առկա)
որակավորումը` բանասիրության մագիստրոս

Հիմնադրվել է 1969 թվականին: Մինչև 1995-ը անվանվել է լեզվագրական (1977-1988 թ.թ.` պատմա-լեզվագրական), 1995-ից` բանասիրական:

Այժմ բանասիրական ֆակուլտետի բակալավրիատի առկա ուսուցման համակարգում բարձրագույն կրթություն են ստանում 334 ուսանողներ, իսկ մագիստրատուրայի 1-2-րդ կուրսերում` 33 ուսանողներ: Բակալավրիատի հեռակա ուսուցման համակարգի 1-5-րդ կուրսերում ուսանում են 199 ուսանողներ, իսկ մագիստրատուրայում` 6 ուսանողներ: 2008-2009 ուստարում մագիստրատուրայի հիմնական կրթական ծրագրով ընդունելություն է կատարվել «Հայոց լեզու և գրականություն» մասնագիտությամբ: 2009-2010 ուստարվանից ընդունելություն է կատարվել նաև «Ռուսաց լեզու և գրականություն», «Անգլերեն լեզու և գրականություն» մասնագիտությունների գծով: Հեռակա ուսուցմամբ մագիստրատուրայի կրթական ծրագրով համալսարանում ընդունելություն կազմակերպվում է միայն «Հայոց լեզու և գրականություն» մասնագիտությամբ: 2014-2015 ուստարվանից ֆակուլտետի բոլոր մասնագիտությունների ընդունելությունը կատարվում է համալսարանական կրթական ծրագրերով:

Ֆակուլտետի տարբեր բաժինների ուսանողներ ակտիվորեն մասնակցում են հանրապետական և մարզային մրցույթներին, ուսանողական գիտական ընկերությունների գիտաժողովներին և վերադառնում մրցանակներով:

Բանասիրական ֆակուլտետին սպասարկում են հայոց լեզվի, գրականության, ռուսաց լեզվի, օտար լեզուների ամբիոնները, որոնցում աշխատում են հանրապետության առաջատար գիտնականներ` գիտությունների դոկտորներ և թեկնածուներ: Ֆակուլտետն ամեն տարի ավանդաբար կազմակերպում է «Թումանյանական ընթերցումներ», ինչպես նաև գիտական նշանակալից աշխատանքներ է իրականացնում Ստ. Զորյանի և Հովհ. Թումանյանի տուն-թանգարանների հետ համագործակցությամբ` նպատակ ունենալով կազմել նրանց ստեղծագործությունների համաբարբառները և մատենագիտությունը: Ֆակուլտետին կից գործում են հայոց լեզվի և գրականության, ռուսաց լեզվի և միջմշակութային հաղորդակցության, լրագրության կաբինետները: 2007 թվականից ‎ֆակուլտետի լրագրության բաժնում բացվել է Հրանտ Դինքի անվան լսարանը:

Բանասիրական ֆակուլտետի դեկանն է Ալբերտ Ժորժի Պողոսյանը: Ծնվել է 03.09.1957թ., ք. Թեհրան, Իրան: 1983թ. ավարտել է Կիրովականի մանկավարժական ինստիտուտի լեզվագրական ֆակուլտետը: Բանասիրական գիտությունների թեկնածու (2002թ.), դոցենտ (2006թ.): Վարում է «Գրաբար», «Ժամանակակից հայոց լեզու (Դարձվածաբանություն և բառարանագիտություն)», «Արևմտահայերենի ներածություն» դասընթացները: Զբաղվում է դարձվածաբանության, բառարանագրության, բառարանագիտության հարցերով:

ՀԱՇՎԵՏՎՈՒԹՅՈՒՆ 2018թ. ԲԱՆԱՍԻՐԱԿԱՆ ՖԱԿՈՒԼՏԵՏԻ ԿԱՏԱՐԱԾ ԱՇԽԱՏԱՆՔՆԵՐԻ ՎԵՐԱԲԵՐՅԱԼ

ՀԱՇՎԵՏՎՈՒԹՅՈՒՆ 2016թ. ԲԱՆԱՍԻՐԱԿԱՆ ՖԱԿՈՒԼՏԵՏԻ ԿԱՏԱՐԱԾ ԱՇԽԱՏԱՆՔՆԵՐԻ ՎԵՐԱԲԵՐՅԱԼ

ԲԱՆԱՍԻՐԱԿԱՆ ՖԱԿՈՒԼՏԵՏԻ 2014 Թ. ՀԱՇՎԵՏՎՈՒԹՅՈՒՆԸ

ԲԱՆԱՍԻՐԱԿԱՆ ՖԱԿՈՒԼՏԵՏԻ ԳԻՏԱԿԱՆ ԽՈՐՀՐԴԻ 2014-2015 ԹԹ. ՈՐՈՇՈՒՄՆԵՐ ԵՎ ԱՐՁԱՆԱԳՐՈՒԹՅՈՒՆՆԵՐ

Բանասիրական ֆակուլտետի կրթական ծրագրերը

Դասիչը	Մասնագիտությունը	Բեռնել կրթական ծրագիրը (.rar ֆորմատով)
031000	Հայոց լեզու և գրականություն (համալսարանական)
031000	Հայոց լեզու և գրականություն (մանկավարժական)
031300	Օտար լեզու և գրականություն /անգլերեն լեզու/
032300	Թարգմանչական գործ
030600	Լրագրություն
032400	Ռուսաց լեզու և գրականություն