«Աստղիկ» ճամբարականների այցն ամենայն հայոց բանաստեղծի ծննդավայր

  • Ուրբաթ, Հլս 14 2017

Հուլիսի 12-ին Վանաձոր պետական համալսարանի «Աստղիկ» ճամբարի սաներն այցելեցին Հովհաննես Թումանյանի  տուն-թանգարան: Չնայած ճանապարհին վերանորոգման աշխատանքներից բարձրացած փոշուն` տուն-թանգարան տանող ճանապարհը ուրախ ու աննկատ անցանք: Ողջ ճանապարհին երեխաները երգեցին ու արտասանեցին:

Դսեղ գյուղում ճամբարականները  այցելեցին 5-րդ դարում կառուցված Սուրբ Գրիգոր Լուսավորիչ եկեղեցի` Թումանյանի հոր և պապի շիրիմներին: Իմացան հոր`քահանա  և պապի զինվորական լինելու, նրանց անունների մասին: Ծանոթացան եկեղեցու պատմությանն ու կառուցվածքին, իրենց աղոթքը հղեցին առ  Աստված:

Այնուհետեև այցելեցին  Թումանյանի տուն-թանգարան: Տեսան այն փոքրիկ գետնափոր տունը` հողե  հատակով ու երդիկից ներս սողացող լույսի շերտով, որտեղ ծնվել է մեծ բանաստեղծը: Ղարաբաղից ու Ջավախքից եկած ճամբարականները հետաքրքրությամբ ու հպարտությամբ էին լսում էքսկուրսավարի պատմությունը օջախի, խնոցու, ծալքատեղի, ձեթի ճրագի ու ցորենի ամբարի մասին, որտեղ գիշերները ընտանիքով քնել են: Զարմանքով էին նայում մտնելուն պես վերջացող խոնավ սենյակի պայմաններին` ոչ մի կերպ չկարողանալով համեմատության եզրեր տանել Թումանյանի մեծության ու… սենյակի փոքրության հետ: Մյուս սենյակներում, որոնք կառուցվել են հետագայում՝ Թումանյանի՝ Թիֆլիս տեղափոխվելուց հետո, ծանոթացան մեծ բանաստեղծի անձնական իրերին, տեսան նրա կրած վերջին զգեստները, Թիֆլիսից բերված աշխատասենյակի իրերը, գրքերն ու նամակները:

Վերջում ճամբարականները երկյուղածությամբ հաղորդակցվեցին ամենայն հայոց բանաստեղծի սրտին, որը  Հ. Թումանյանի ծննդյան 120-ամյակի օրերին Թիֆլիսից բերվել է Դսեղ գյուղ և թաղվել  բանաստեղծի տուն-թանգարանի մոտ:

 Աստղիկ Հարությունյան

 

Կարդացվել է 3445 անգամ
Գնահատել նյութը
(0 մարդ)
Մեկնաբանություններ թողնելու համար անհրաժեշտ է մուտք գործել համակարգ:

Գիտխորհրդի նիստում

Փետրվարի 22-ին կայացավ ՎՊՀ գիտխորհրդի հերթական նիստը, որը

Մանրամասն

Մայրենի լեզվի օրը ՎՊՀ-ում

1999 թվականին ՅՈՒՆԵՍԿՕ-ն  փետրվարի 21-ը  հռչակել է

Մանրամասն

ՎՊՀ բանասիրական ֆակուլտետը 49

Փետրվարի 19-ին Վանաձորի պետական համալսարանում եռակի  տոն

Մանրամասն

Վանաձորի թիվ 1հիմնական դպրոցը

Փետրվարի 19-ին Վանաձորի պետական համալսարանում  նշվեց Գիրք

Մանրամասն

BOOST ՆԱԽԱԳԻԾ.

Փետրվարի 14-ին Համագործակցության և կապերի բաժնի

Մանրամասն

Վարպետ Բոգդանի արվեստանոցում

Փետրվարի 17-ին Վանաձորի պետական համալսարանի

Մանրամասն

ՎՊՀ ուսանողները՝ «Լավագույն

ՀՀ կառավարության որոշմամբ 2013 թվականից  անցկացվում է

Մանրամասն

Կոնրադ Ադենաուեր հիմնադրամի

Փետրվարի 16-ին Վանաձորի պետական համալսարանում տեղի

Մանրամասն